विराटनगर । मोरङको धनपालथान गाउँपालिका २ धरमपुर पैठामा भएको आगलागीबाट पीडित परिवारहरुलाई नगद सहित राहत सामाग्री वितरण गरेको छ ।

जिल्ला विपद् व्यवस्थापन समिति मोरङको अध्यक्ष तथा मोरङका प्रमुख जिल्ला अधिकारी काशीराज दाहालसहित मोरङका प्रहरी प्रमुख एसपी शान्तिराज कोइरालासहित मंगलबार आगोलागी पीडितलाई राहत सामाग्री वितरण गरेका हुन् ।

आगलागी पीडित दुई परिवारलाई नगद जनही २०/ २० हजार र एक परिवारलाई १५ हजार र त्रिपाल, म्याट र कम्बल वितरण गरिएको थियो ।

यसैगरी धनपाल गाउँपालिकाका अध्यक्ष जिवछप्रसाद गच्छदार र उपप्रमुख नसिमा वानोले चामल ५० केजी, दाल, तेल नुन, मसला, सावुन लगायतका अन्य खाद्यान्न वितरण गरेका थिए ।

यस्तै नेपाल रेडक्रस सोसाइटी मोरङका अध्यक्ष सुबोधकुमार सिंहले त्रिपाल, कम्बल, खाना पकाउने भाँडाको सेट, लगाउन लत्ताकपडा लगायतका सामागी वितरण गरेका थिए । प्रजिअ दाहालले जनताको प्रत्येक दुःखका समयमा सरकारको साथ सहयोग रहने बताए । उनले आगलागी नियन्त्रणका लागि आउने वारुणयन्त्राका लागि सडक अतिक्रमण रोक्न सबैले कतव्र्य भएको बताए । गाउँपालिकाका अध्यक्ष गच्छदारले सबैको सहयोगबाट पीडितका घर निर्माण गरिने प्रतिवद्धता व्यक्त्त गरे ।
मोरङ दक्षिण क्षेत्रमा रहेको उक्त पालिकाका कैलास, गणेश र भजनलाल मण्डल तीन घरहरु सोमबार राति विद्युत चुहावट आगलागी हुँदा दुई वाख्रा र एक बाझा सहित तीन चौपायाको आगाले जलेर मृत्यु हुनकासाथै रु १४ लाख क्षति भएको प्रहरीले जनाएको छ ।