विराटनगर । विराटनगर ३ पोखरीयामा रहेको पोखरीया मावि प्रदेश १ को उत्कृष्ट सामुदायिक विद्यालय घोषित भएको छ । प्रदेश सरकारले बनाएको ३२ वटा सूचक पुरा गर्दै पोखरीया स्कुल उत्कृष्ट मावि घोषित भएको हो ।
उत्कृष्ट मावि भएको भन्दै सामाजिक विकास मन्त्रालय प्रदेश नं. १ ले विराटनगरमा बुधबार एक भव्य कार्यक्रम आयोजना गरी विद्यालयलाई १४ लाख रुपैयाँसहित शिल्ड र कदर पत्र प्रदान गरेको छ । प्रदेश १ का मुख्यमन्त्री राजेन्द्र कुमार राईले विद्यालयका प्रधानध्यापक खेम भट्टराईलाइ उक्त पुरस्कार प्रदान गरिएको थियो ।
अंग्रेजी माध्यमबाट पठनपाठन हुने पोखरीया स्कुलमा गुणस्तरीय शिक्षा प्रदान गरेको कारणले विद्यार्थीको आकर्षण बढेको छ । यहाँ भर्ना हुन विद्यालयले लिएको प्रवेश परीक्षा उतिर्ण हुने विद्यार्थीहरुलाई मात्र भर्ना लिने गरेको छ ।