विराटनगर । विराटनगरमा ओएसिस लन्च एण्ड बार संचालनमा आएको छ । विराटनगर महानगरपालिका – ५ भृकुटी चौकमा १ करोड २५ लाख रूपैयाँ लगानीमा ओएसिस लन्च एण्ड बार बिहीबारदेखि संचालनमा आएको हो ।

बारको औपचारिक रूपमा उद्घाटन विराटेश्वर वृद्धाश्रमका अध्यक्ष जगतप्रसाद अर्यालले गरे । तीन दशकदेखि पर्यटन व्यवसायको क्षेत्रमा रहेका जितेन्द्र श्रेष्ठले एउटा छुट्टै स्वाद पस्किने उद्देश्यले ओए सीस लन्च एन्ड बार विराटनगरमा सञ्चालनमा ल्याएका हुन् । उनले यसअघि चितवनमा पनि होटेल व्यवसायको क्षेत्रमा काम गरेको अनुभव रहेको छ । श्रेष्ठको लुम्बिनीमा पनि लुम्बिनी बुद्ध गार्डेन रहेको छ ।

‘विराटनगरमा छुट्टै स्तरीय परिवार खुवाउनु हरेक ग्राहकहरूलाई सन्तुष्ट पार्नु हाम्रो लक्ष्य हो र यसमा सफल पनि हुनेछौँ । त्यसैले ग्राहकहरूबाट सकारात्मक प्रतिक्रिया पाएका छौँ,’ सञ्चालक श्रेष्ठले भने । बारमा कन्ट्रीनेटल खाना, ग्रिल चिकेन यहाँको विशेष परिकार रहेको बताइएको छ । यस बाहेक यहाँ अन्य थुप्रै परिकारहरू पाइन्छ । ओए सीस लन्च एन्ड बार दुई कट्ठा क्षेत्रफलमा रहेको छ ।

बिक्री भएको १५ प्रतिशत सामाजिक काममा
ओए सीस लन्च एन्ड बारको उद्घाटन भएको दिन बिक्री भएको आम्दानीबाट १५ प्रतिशत सामाजिक काममा खर्चिने भएको छ । सामाजिक उत्तरदायित्व अन्तर्गत उद्घाटन गरेको दिन बिक्री भएको आम्दानीको १५ प्रतिशत खर्च सामाजिक कार्यमा खर्च गर्ने सञ्चालक श्रेष्ठले बताए । १५ प्रतिशत खर्च विराटनगरस्थित विराटेश्वर वृद्धाश्रममा सहयोग गर्ने उनले बताए ।