विराटनगर । बैंकको चर्को ब्याजका विरूद्ध विराटनगरका उद्योगी व्यवसायीहरूले संयुक्त रुपमा वृहत छलफल गर्ने भएको छ ।

उद्योग संगठन मोरङ, मोरङ व्यापार संघ र नेपाल उद्योग परिसंघ प्रदेश १ ले विराटनगरमा सोमबार दिउँसो साढे ३ बजे चर्को बैंक ब्याजदर एवं प्रतिकूल बैकिङ नीति सम्बन्धी बृहत छफल कार्यक्रम आयोजना गरिएको मोरङ व्यापार संघका अध्यक्ष नविन रिजालले जानकारी दिए ।

छलफलमा निजी क्षेत्रका सबै संघसंस्थाका प्रमुख एवं गृह तथा स्टील, सुन चाँदी, धातु, सोनार, जुट, होटल तथा पेय पदार्थ, खुद्रा बितरक, अटोमोवाइल, डिलर्स, पेट्रोलियम डिलर्स, ट्रान्सपोर्ट, ट्रक, टेम्पो एवं यातायात, ट्राभल्स एजेन्टलगायत सम्पूर्ण वस्तुगत संघसंस्थाका प्रमुख एवं प्रतिनिधिहरु सदस्य एवं सबै उद्योगी व्यवसायीहरुलाई उपस्थीति भइ सुझाब उपलब्ध गराइदिन तीन वटा संस्थाले अनुरोध गरेको छ ।
यसअघि पनि तीन व्यवसायीक संस्थाले विराटनगरमा बृहत मौन–जुलुसमा कालो टिर्सट लगाएर विरोध स्वरुम सडकमा उत्रिएका थिए । बृहत मौन जुलुसमा व्यवसायीहरुले आर्थिक तथा वित्तीय अवस्था विगार्न भूमिका खेलेको भन्दै राष्ट्र बैंकका गभर्नर महाप्रसाद अधिकारीको राजीनामा माग गरेका थिए ।