विराटनगर । विद्यालय स्तरीय तेस्रो संस्करणको विराटनगर बास्केटबल प्रतियोगिताको उपाधि विराटनगरमा रहेको अरनीको स्कुलले जितेको छ ।
विराटनगरमा शुक्रबार सम्पन्न भएको प्रतियोगितामा महिलातर्फ अरनीको स्कुलले उपाधि जितेको हो ।

विराटनगरमा रहेको पोखरीया स्कुललाई २–४ अङकले पराजित गर्दै अरनिको स्कुलले उपाधि जितेको छ । गुणस्तरीय शिक्षासँगै अतिरिक्त क्रियाकलापमा पनि अरनीको स्कुल अगाडी रहेको छ । प्रतियोगितामा अरनीको स्कुलका विद्यार्थी उत्कृष्ट खेलाडी समेत घोषित भइन् ।
यस्तै गरी पुरुषतर्फको विराटनगरमा रहेको बिकेभिएम स्कुलले उपाधि जितेको छ । सगरमाथा स्कुललाई ३७–२८ अंकले पराजित गर्दै बिकेभीएम स्कुलले उपाधि जितेको हो ।

विद्यालयस्तरीय तेस्रो विराटनगर बास्केटबल प्रतियोगितामा महिला र पुरुष गरी ८ वटा टिमको सहभागिता रहेको कार्यक्रम संयोजक मुकेश यादवले बताए ।

विजेता हुने विद्यार्थीहरूलाई कार्यक्रमको प्रमुख अतिथि प्याब्सन विराटनगरका अध्यक्ष मोहन बुढाथोकी, विशिष्ट अतिथि नेपाली कांग्रेस विराटनगरका सभापती दिपक चापागाई र विराटनगर बास्केटबल एकेडेमीका अध्यक्ष सरोज लम्सालले खेलाडीहरुलाई पुरस्कार वितरण गरेका थिए ।