विराटनगर, १७ मंसिर । रोटरी क्लब अफ विराटनगर डाउनटाउनले निःशुल्क स्वास्थ्य शिविर आयोजना गरेको छ । विराट नर्सिङ होम प्रालिको सहकार्यमा ज्योति आधारभूत विद्यालय खर्जीमा मेघा स्वास्थ्य शिविर सम्पन्न गरेको हो ।

विराट इन्टरनेशनल डायग्नोस्टिक ल्याब प्रालि र विराटनगर महानगरपालिका वडा नम्बर ४ को सहकार्यमा आयोजना गरिएको शिविरमा ६ जना चिकित्सकहरुले स्वास्थ्य परिक्षण गरि उपचार गरेका थिए ।

शिविरमा वरिष्ठ स्त्री तथा प्रसुती, बाल, छाला, सजरी, नाक, कान, घाँटी रोग विशेषज्ञ र फिजिसियन डाक्टरहरुले स्वास्थ्य परिक्षण गरेका थिए । शिविरमा चेकजाँचका लागि आएका विरामीहरुलाई निःशुल्क मधुमेह परीक्षणका साथै निशुल्क औषधि समेत प्रदान गरिएको थियो । शिविरबाट स्थानीय ५०० जना लाभान्वित भएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।

उनीहरु सबैजना आफ्नो चेकअप गर्न पाउँदा खुसी थिए । सो अबसरमा अर्चना तातडीया, सुनिता अग्रवाल, सुगन्धा तोदी, रचना राठी, कुसुम अग्रवाल, मञ्जु अग्रवाल, उमा राठी, मुक्ता तोदी, सपना सिंघल, पूनम नरेश राठी, अनु सारडा, स्नेहा अटल, स्वेथी राठीलगायतको उपस्थिती रहेको थियो ।

त्यस्तै एसिस्टेन्ट गभर्नर कमल अग्रवाल, वरिष्ठ डिस्ट्रीक्ट नेता बेनीगोपाल मुन्दराले पनि शिविरको अवलोकन गरेका थिए । रोटर्याक्ट नोबेल मेडिकल कलेज, विद्यालयका प्रधानाध्यापक, विद्यालयका शिक्षक, वडाध्यक्ष, स्वयंसेवक, सञ्चारकर्मी, विद्यालयका कर्मचारीहरुको समेत शिविरमा उपस्थिती रहेको थियो ।

रोटरी क्लब अफ विराटनगर डाउनटाउनको आयोजनामा विराट नर्सिङ होम प्रालि, विराट इन्टरनेशनल डायग्नोस्टिक ल्याब प्रालि र विराटनगर महानगरपालिका वडा नं ४ को सहकार्यमा आयोजना गरिएको मेगा स्वास्थ्य शिविर शिविर आयोजना गरिएको थियो । शिविरमा एमटेक मेड प्रालिको सहयोगमा औषधि समेत वितरण गरिएको क्लबकी अध्यक्ष राठीले जानकारी दिइन् ।