आज ७३६ संक्रमित थपिए, ८४७ जना डिस्चार्ज
गत २४ घण्टामा देशभर आज ७ सय ३६ जनामा कोरोना संक्रमण पुष्टि भएको छ । योसहित संक्रमितको संख्या २ लाख ५० हजार ९ सय १६ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता...
विराटनगर । नेकपा एमालेले गठबन्धनको चुनावी कार्यक्रम बिथोल्न भिजिलान्तेहरुको प्रयोग गरेको पाइएको छ । मोरङ क्षेत्र नं। ४ मा हुने लोकतान्त्रिक बाम गठबन्धनका कार्यक्रमहरू बिथोल्न एमालेले अन्यत्र जिल्लाहरूबाट भिजिलान्ते प्रयोग गरेको भेटिएको हो ।
बुधवार मोरङको कटहरी ३ चम्राहीमा आयोजित चुनावी सभामा उम्मेदवारलाई गालिगलौच गर्दै एमालेका भिजिलान्तेहरु प्रयोग गरेको स्थानीय नेताहरूको भनाई छ ।
गठबन्धनको कार्यक्रम एमालेले जिल्ला र क्षेत्र भन्दा बाहिरका मानिसहरू परिचालन गरेर कार्यक्रम बिथल्ने प्रयास गरेको कटहरी गाउँपालिका ३ का स्थानीय यादव चौधरीले बताए ।
मोरङ क्षेत्र नं। ४ मा प्रतिनिधि सभा सदस्यमा गठबन्धनबाट अमनलाल मोदी, प्रदेशतर्फ भीम पराजुली र गुरुराज घिमिरे रहेका छन् । एमालेबाट प्रतिनिधि सभामा विनोद ढकाल र प्रदेशतर्फ जीवन घिमिरे र जयप्रकाश गच्छदार रहेका छन् । गठबन्धनको आक्रामक चुनावी प्रसार प्रसारबाट डराएका एमालेका उम्मेदवारहरू अहिले कार्यक्रम बिथल्न भिजिलन्ते प्रयोग गर्न थालेका गठबन्धनका स्थानीय नेताहरू बताउँछन् । ‘गठबन्धनको आक्रामक चुनावी प्रचार प्रसार हुन थालेपछि एमालेका उम्मेदवारहरू मोरङ क्षेत्र नं। ४ मा डराएका छन्,’ काँग्रेसका क्षेत्रीय प्रतिनिधि दिनेश पासवानले भने, ‘चुनाव हार्ने डर पैदा भएपछि एमालेका उम्मेदवारहरू अहिले गठबन्धनको कार्यक्रमहरू भिजिलन्ते पढाउने र कार्यक्रम बिथोल्न प्रयासमा छन् । हामी सचेत हुन जरुरी छ । बुधवार कटहरी ३ मा भएको घटना पनि त्यही हो ।’
