विराटनगर । तस्करीको कपडासहित इलका प्रहरी कार्यालय रानी विराटनगरले दुई जना पक्राउ गरेको छ ।

विराटनगर महानगरपालिका १६ मुसरी बस्ती छेउ उखु बारीमा भारत बाट नेपाल तर्फ भन्सार छली गरेर ल्याएको कपडासहित दुई जनालाई प्रहरीले पक्राउ गरेको हो ।

पक्राउ पर्नेमा विराटनगर १६ का २२ वर्षीय दिनेश ऋषिदेव र ३५ वर्षीय खेदन यादव रहेका छन् । उनीहरू भरिया हुन् । प्रहरीले उनीहरूको साथबाट चार लाख ५२ हजार ५ सय मूल्य बराबरको कपडा बरामद गरेको मोरङ प्रहरीले जनाएको छ ।
बोरामा प्याक गरी ठाउँमा बोकी ल्याउँदै गरेको अवैध कपडा इप्रका रानीको प्रहरी टोलीले उनीहरूको साथबाट बरामद गरेको थियो । प्रहरीले ११० थान कुर्था सुरुवाल, ६० थान साडी, २ सय ५ थान टप्स र २० थान तन्ना बरामद गरेको थियो । विराटनगरको दक्षर्णी क्षेत्रबाट बब्लु अग्रवाल, मिथुन साह, लक्ष्मण साह रौनियार गयाले कपडाको क्या रिङ गर्दछन् । उनीहरूले व्यापारीसँग पिस हिसाबले पैसा लिने भारतबाट भन्सार छली गरी तस्करीको माध्यमबाट व्यापारीको गोदामसम्म पु¥याउने गर्दछन् ।

यसरी तस्करीको लत्ताकपडासहित अन्य उपभोग्य सामानहरू ओसार पोसारमा भरिया प्रयोग गर्दछन् । उनीहरूले तस्करीको सामान बोक्न भरियालाई निश्चित रकम दिने गरेका छन् ।