विराटनगर । महिलाहरुलाई आर्थिकरुपमा सवल बनाउ च्याउ खेती तालिम सुरु भएको छ । रोटरी क्लब अफ विराटनगर डाउनटाउनको आयोजनामा विराटनगरस्थित खार्जी गाउँका महिलाहरुका लागि तालिम सुरु भएको हो ।

महिला सशक्तिकरणको उदेश्यले क्लबको ‘ह्याप्पी भिलेज प्रोजेक्ट’ अन्तर्गत विराटनगर डाउनटाउनको रोटरी क्लबले असोज स्थानीय ज्योति आधारभूत विद्यालय, खर्जीमा व्यावसायिक तालिमको रुपमा च्याउ खेती तालिम आयोजना गरेको हो ।

महिलाहरुलाई प्रशिक्षक राजन राजवंशीले प्रशिक्षण दिइरहेका छन् । तालिममा सैद्धान्तिक र प्रयोगात्मक विधिबाट व्यवसायीक च्याउ खेतीबारे महिलाहरुलाई तालिम दिइनेछ ।

तालिम ५ दिनसम्म सञ्चालन हुने रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् । उक्त तालिम लिएपश्चात महिलाहरु ३५ देखि ४० दिन भित्रमा स्वरोजगार र आत्मनिर्भर बन्ने जनाइएको छ ।

तालिमबाट ३० जना महिला र उनीहरूको परिवारका सदस्यहरू लाभान्वित हुनेछन्।