विराटनगर । चिया पारखीहरूको लागि विराटनगरमा २५ बढी स्वादमा चिया पस्किने चिया वालाज् फेमिली क्याफे सञ्चालनमा आएको छ । नयाँ अवधारणका साथ विराटनगर ९ भानु टोलको कलेज रोडमा क्याफे सञ्चालनमा ल्याइएको हो ।

क्याफेमा साधारण चियाका साथै केशर चिया, म्याङ्गो टी, पामोग्रनेट टी, कोकोनट टी र कर्डिमोम टी लगायतको २५ भन्दा बढी भेराईटी र स्वादमा चिया उपलब्ध हुने सञ्चालक युसुफ रजा खानले जानकारी दिए क्याफेमा उपलब्ध हुने चियाको मूल्य न्यूनतम २० देखी अधिकतम ७५ रुपैयाँ राखिएको छ ।
यसका साथै नेपाली, इन्डियन र चाइनिज परिकारका भेज तथा ननभेज स्न्याक्सहरु समेत क्याफेमा उपलब्ध रहेको छ । विद्यार्थी, कर्मचारी र परिवार सँग चिया–नास्ता खान आउने व्यक्तिहरूलाई लक्षित गरेर क्याफे सञ्चालनमा ल्याइएको हो । क्याफेमा मदिराको विक्री वितरण नगरिने खानले जानकारी दिए । सुरुमा १० लाखको लगानी गरिए पनि क्रमिक रूपमा लगानी थप गर्दै जाने सञ्चालकले बताएका छन् ।

क्याफेमा कुक,वेटर र म्यानेजरगरि १० जनाले रोजगार पाएका छन् । क्याफे निर्माणका लागि फलामको प्रयोगगरि कुशल ईन्जीनियरिङबाट आकर्षक संरचना निर्माण गरिएको छ ।