विराटनगर, १५ भदौ । यौन दुर्व्यवहारको आरोपमा विराटनगरबाट प्रहरीले एक जनालाई नियन्त्रणमा लिएको छ । गैर सरकारी संस्था महासंघ (गैसस) मोरङका अध्यक्षसमेत रहेका विराटनगर–१२ का ५५ वर्षीय राजेन्द्र ढकाललाई मोरङ प्रहरीले बुधबार नियन्त्रणमा लिएको हो ।

सोही ठाउँका १३ वर्षीय एक बालकलाई अप्राकृतिक यौन दुर्व्यवहार गरेको आरोपमा प्रहरीले ढकाललाई नियन्त्रणमा लिएको हो । पिडित बालकको परिवारले दिएको उजुरीका आधारमा ढकाललाई नियन्त्रणमा लिएको मोरङ प्रहरीका प्रवक्ता प्रहरी नायव उपरिक्षक दिपक श्रेष्ठले जानकारी दिए । ‘ कुन संस्थामा आवद्ध वा काम गर्ने हो हामीलाई थाहा भएन । नाबालकमाथि यौन दुर्व्यवहारको आरोप छ ।’ उनले भने,‘उजुरीका आधारमा सोधपुछका लागि नियन्त्रणमा लिएका हौँ । के हो भन्ने विषयमा हामी अनुसन्धान गर्दैछौँ ।’

ढकालले बारम्बार ति बालकलाई घरमा बोलाएर अप्राकृतिक यौन दुरव्र्यबहार गर्ने गरेको पिडित बालकका परिवारको ओरोप छ । ढकालले बालकलाई पछिल्लो पटक गत १३ भदौमा दुव्र्यबहार गरेको बताइएको छ । ढकाल एजुकेसन हेल्पलाईन विराटनगरका अध्यक्ष समेत हुन् ।