काठमाडौं । नेपालमा पनि विद्युतीय मुद्रा (डिजिटल करेन्सी) प्रचलनमा आउने भएको छ । नेपाल राष्ट्र बैंकले डिजिटल करेन्सी प्रयोगमा ल्याउन मुद्रा व्यवस्थापन विभागका अनुज दाहालको संयोजनमा अध्ययन समिति गठन गरेको थियो । समितिले अध्ययन सकेर कन्सेप्ट प्रतिवेदन मुद्रा व्यवस्थापन विभागका प्रमुख कार्यकारी अधिकृत रेवती नेपाललाई बुझाएको छ ।

नेपालले अबको एक महिना भित्रमा सो प्रतिवेदन राष्ट्र बैंकले सार्वजनिक गर्ने जनाएका छन् । अहिले विश्वभर डिजिटल करेन्सीको अवधारणा आइरहेको छ । केही देशले यसको प्रयोग समेत गरेका छन् । कार्यकारी निर्देशक नेपालले विश्वका धेरै मुलुकमा डिजिटल करेन्सीको विषयमा अध्ययन भइरहेको बताए ।

विश्व भरको केन्द्रिय बैंकको छाता संगठन बैंक फर इन्टरनेशनल सेटलमेन्टले डिजिटल करेन्सी प्रयोगमा ल्याउन केन्द्रिय बैंकहरुलाई सुझाव दिएसँगै विश्वका धेरैजसो केन्द्रिय बैंकहरुले डिजिटल करेन्सीका विषयमा अध्ययन गरिरहेको नेपालको भनाइ छ । नाइजेरिया, बहमास जस्ता देशले भने यसको लागु समेत गरेका छन् ।