विराटनगर । छिमेकीको कुटाइबाट गम्भिर घाइते भएकी सुनसरीको बर्जू गाउँपालिका – ३ की २६ बर्सिया चन्द्रकला रायको उपचारको क्रममा मृत्यु भएको छ । निर्घात कुटपिट गरेको नौ दिनपछि उपचारको क्रममा विराटनगरस्थित कोसी अस्पतालमा आइतबार दिउँसो मृत्यु भएको हो ।

रायलाई छिमेकी सङ्गीता रायसहितका उनका परिवारले घाँस काटेको विषयलाई लिएर १३ साउनमा कुटपिट गरेका थिए । कुटपिटबाट घाइते भएकी चन्द्रकला कोसी अस्पतालमा भर्ना भएकी थिइन् । उपचारको क्रममा चिकित्सकले मृत घोषणा गरेको छ । ‘चन्द्रकला चौपायाको आहारको लागि छिमेकी सङ्गीताको खेतबारीमा पुगेकी रहेछन् । त्यसै बेलामा आफ्नो बारीमा किन घाँस काटेको भन्दै घरमै आएका सङ्गीतासहितका उनका छोरा र छोरीले एक्कासि मुङ्ग्रा प्रहार गर्न थाले । शारिर रूपमा कमजोर पनि रहेकी चन्द्रकला त्यही ढलिन । लडेको बेला सङ्गीताले चन्द्रकाको हात समाइन । त्यसपछि सम्झना र पिन्टुले पनि निर्घात कुटपिट गरिरहे,’ चन्द्रकलाका श्रीमान् सकलदिप रायले भने, ‘उनीहरूले श्रीमतीलाई शरीरको विभिन्न भागमा कुटपिट मात्र गरेर योनिमा पनि हात हालेर आक्रमण गरेका रहेछन् । अस्पताल पु¥याउँदासम्म यौनिकबाट रगत बगिरहेको थियो ।’

बढी बिलिडिङ्ग भएको कारणले श्रीमतीको मृत्यु भएको कोसी अस्पतालका चिकित्सकले पनि बताएको श्रीमान् सकलदिपले सुनाए ।
आर्थिक रूपमा विपन्न रहेका चन्द्रकलाको परिवार दैनिक अर्काको बनिभुत्ता गरेर परिवार पाल्दै आएका थिए । चन्द्रकलाको घरदेखि सङ्गीताको घर १० मिटर पूर्व पर्दछ । श्रीमतीको मृत्यु भएपछि श्रीमान् सकलदिपले आक्रमण गर्ने विरुद्ध कर्तव्य ज्यान मुद्दामा मोरङ प्रहरीमा आइतबार जाहेरी दिएका छन् । कुटपिटबाट जाहेरी मृत्यु भएको आएको जाहेरी आएका र घटनास्थल सुनसरीमा भएकोले थप अनुसन्धानको लागि सुनसरी प्रहरीमा पढाएको मोरङ प्रहरीका प्रवक्ता डिएसपी दीपक श्रेष्ठले जानकारी दिए ।