विराटनगर, १० साउन । निरन्तर विभिन्न सामाजिक कार्य गर्दै आएको रोटरी क्लब अफ विराटनगर डाउन टाउनले ह्वीलचेयर वितरण गरेको छ । मंगलबार एक कार्यक्रमकाबिच अपाङ्गता भएका व्यक्तिहरुको सहजताका लागि सहायक सामाग्री ह्वीलचेयर वितरण गरेको हो ।

विराटनगरस्थित बखरी, सुनसरीको बर्जु गाउँपालिका र मोरङको जहदा गाउँपालिकाको बुधनगरका आपाङ्गता भएका व्यक्तिहरुलाई ह्वीलचेयर वितरण गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।

ह्वीलचेयर वितरण कार्यक्रममा क्लबकी अध्यक्ष राठी, पूर्वअध्यक्ष संचिता जैन, क्लबकी सचिव नमिता टिवडेवाल लगायत क्लबका पदाधिकारी र ११ जना सदस्यहरुको उपस्थिती रहेको क्लबकी पब्लिक इमेज कमिटी चेयर सपना सिंघलले जानकारी दिइन् ।