विराटनगरमा एक १९ बर्षीय किशोरीलाई जवरजस्ती करणी गरेको आरोपमा दुई जना पक्राउ परेका छन्। गत असार २८ गते किशोरीलाई बलात्कार गरेको आरोपमा प्रहरीले विराटनगर– ३ का ५० वर्षीय विनोद राउत र सुरज सुवेदीलाई पक्राउ गरेको हो।

पक्राउ परेका राउत राष्ट्रीय खेलकुद परिषदको मोेरङको कराँते प्रशिक्षक हुन् भने सुवेदी सङ्खुवासभाको कराँते प्रशिक्षक रहेको मोरङ प्रहरी प्रवक्ता दिपक श्रेष्ठले बताएका छन्। असार २८ गते करणी गरेको भन्दै किशोरीको जाहेरीको आधारमा प्रहरीले दुई जनालाई साउन ८ गते पक्राउ गरेको श्रेष्ठले जानकारी दिए ।

होटलमा बोलाएर किशोरीलाई जवरजस्ती करणी गरेको आरोप लागेका प्रशिक्षकद्वयले किशोरीको भिडियो समेत बनाएको आरोप छ।