बर्दीया, १७ असार । बर्दियाको नेपाल–भारत सीमाक्षेत्रको जंगलमा निउरो टिप्न गएका एक नेपालीमाथि गोली प्रहार भएको छ । बिहीबार साँझ बर्दियाको गुलरिया नगरपालिका– ३ का ५४ वर्षीय हेमराज गोडियालाई गोली हानिएकाे हो ।उनीमाथि भारतीय वनरक्षकले गोली हानेकाे स्थानीयले आराेप लगाएका छन् ।

घाइते अवस्थामा गोडियाको उद्धार गरी गुलरिया अस्पतालमा ल्याइएको थियो । गोडियाले फोन गरेर आफूमाथि गोली प्रहार भएको आफन्तलाई जानकारी गराएपछि उनको उद्धार गरिएको थियो । उनको उपचारकै क्रममा गएराति मृत्यु भएको बर्दियाका प्रहरी उपरीक्षक वीरेन्द्रबहादुर शाहीले जानकारी दिएका छन् ।

यो प्रकरणमा प्रहरीले अनुसन्धान सुरु गरेको छ । भारतीय पक्षसँग यो विषयमा कुरा भइरहेको बर्दियाका प्रहरी उपरीक्षक शाहीले जानकारी दिए । उनले याे घटना अनुसन्धानका लागि भारतीय समकक्षीसँग सहयाेग मागिएकाे बताए ।