विराटनगर, २९ जेठ प्रदेशसभाको कार्यकाल सकिन लागेपछि प्रदेश १ को नामाकरणको विषयमा औपचारिकरुपमा छलफल सुरु भएको छ । नामाकरणका लागि प्रदेशसभामा निर्णायक रहेको प्रमुख प्रतिपक्षी नेकपा (एमाले) ले छलफल सुरु गरेको हो । प्रदेशको नामारण प्रदेशसभाको दुई तिहाई बहुमतले मात्र पारित गर्न सक्न।

प्रदेशसभामा पाँचदलिय गठबन्धनसँग बहुमत मात्र छ । प्रदेशसभामा प्रमुख प्रतिपक्षी एमालेको सहयोग बिना नामारण हुनसक्ने अवस्था छैन । त्यसैले नामाकरणको विषयमा सहजीकरण गर्न एमालेले औपचारिकरुपमा छलफल सुरु गरेको हो ।

नामाकरणको विषयमा छलफल गर्न एमाले संसदीय दलले पूर्वमन्त्री हिक्मतकुमार कार्कीको संयोजकत्वमा कार्यदल गठन गरेको थियो । सो कार्यदलले आइतबार कांग्रेस संसदीय दलसँग छलफल गरेको छ ।

उक्त छलफलमा दुवै दल प्रदेशसभाको चालु अधिवेशनबाटै प्रदेशको नामाकरणको विषय टुंगो लगाउन सहमत भएका छन् । एमाले संसदीय दलको तर्फबाट कार्यदलका संयोजक हिक्मत कार्कीले कांग्रेस संसदीय दलका नेता राजीव कोइरालालगायतसँग छलफल गरेका हुन् ।

आइतबार प्रदेशसभाको बैठकपछि प्रदेशसभा सचिवालयमा भएको छलफलमा दुवै दल नामकरणको टुंगो लगाउन सहमत भएको कार्कीले जानकारी दिए । प्रदेश १ का मुख्यमन्त्री राजेन्द्रकुमार राईले पनि प्रदेश १ को नामाकरणको विषय टुंग्याउनका लागि एमालेकै नेतृत्वमा संयन्त्र निर्माण गर्न प्रस्ताव गरेका थिए ।

एमाले र प्रमुख सत्ता साझेदार दल नेपाली कांग्रेस भौगोलीक पहिचानको आधारमा प्रदेशको नामाकरण गर्ने विषयमा एक मत छन् । यी दललले प्रदेशको नाम सवैको अपनत्व हुनेगरी कोशी वा सगरमाथा राख्नुपर्ने बताउँदै आएका छन् । त

र, प्रदेश १ मा सत्ता गठबन्धनकै नेतृत्व गरेको नेकपा (एस), माओवादी केन्द्र, जनता समाजवादी पार्टी (जसपा) र संयुक्त लोकतान्त्रीक राष्ट्रिय मञ्चका नेताहरुले भने जातीय पहिचानलाई जोड्नुपर्ने पक्षमा रहँदै आएका छन् ।