विराटनगर, ८ जेठ । मोरङको रंगेली नगरपालिका वडा नम्बर ७ को वडाध्यक्षमा एमालेका रामचन्द्र मण्डलसहित उनको प्यानलै विजयी भएको छ । मण्डल दोस्रो कार्यकालका लागि पनि निर्वाचित भएका हुन् । उनी यसअघि पनि वडाध्यक्ष थिए ।

मण्डलले १०४४ मत प्राप्त गर्दा उनका निकटतम् प्रतिद्वन्दी नेपाली कांग्रेसका वीरेन्द्र कुमार साहले ६०१ मत ल्याए । त्यस्तै सदस्यहरुका एमालेकै देवमणी कटुवाल, अनिलकुमार महतो, दलित महिला सदस्यमा रुपा विश्वकर्मा र महिला सदस्यमा अन्नपूर्णाकुमारी मण्डल निर्वाचित भएका छन् ।

रंगेलीमा यो सहित हालसम्म ७ वटा वडाको मतगणना सम्पन्न भइसकेको छ । वडा नम्बर १, २, ३, ४ ,५, ६ र ७ नम्बर वडा मत गणना सम्पन्न हुँदा सवै वडामा एमालेका उम्मेदवार प्यानलसहित निर्वाचित भएका छन् ।

६ नम्बर वडामा मात्र एउटा सदस्य जसपाले जितेको छ । वडा नम्बर ८ र ९ को मतगणना जारी रहेको मुख्य निर्वाचन अधिकृतको कार्यालय रंगेलीले जनाएको छ ।