विराटनगर, ३१ वैशाख । प्रदेश १ को एक मात्र महानगर विराटनगरमा सत्ता गठबन्धनले सुरुवातदेखिनै अग्रता बढाउँदै लगेको छ ।

साँझ ७ बजेसम्म ३१०० मत गणना हुँदा सत्ता गठबन्धनका साझा उम्मेदवार नेपाली कांग्रेसका नागेश कोइराला १०३८ मतसहित अग स्थानमा छन् । उनका निककतम प्रतिद्वन्दी एमालेका सागर थापाले ७७४ र स्वतन्त्र उम्मेदवार उमेश यादवले २७७ मत प्राप्त गरेका छन् ।

उपमेयरमा भने एमालेकी शिल्पा कार्र्की ८५३ मतसहित अग्र स्थानमा छिन् । सत्ता गठबन्धनका साझा उम्मेदवार जसपाका अमरेन्द्र यादव ५४४ मतसहित कार्कीलाई पछ्याई रहेका छन् ।

माओवादी केन्द्रबाट बागी उम्मेदवार बनेकी नमिता न्यौपाने उपमेयरमा १६८ मत प्राप्त गरेको मुख्य निर्वाचन अधिकृतको कार्यालयले जनाएको छ ।