बलात्कार मुद्दामा अदालतले ९ वर्ष सजाय ताेकेका एक जना फरार अभियुक्त पक्राउ परेका छन् । सुर्खेतकाे वीरेन्द्रनगर नगरपालिका वडा- १६ का २० वर्षीय रुद्रबहादुर खड्कालाई कर्णाली प्रदेश प्रहरी कार्यालय सुर्खेतकाे टाेलीले हिजाे पक्राउ गरेकाे हाे ।

जिल्ला अदालत सुर्खेतकाे गत १३ असाेजको फैसलाले खड्कालाई ९ वर्ष ११ महिना २१ दिन कैद र चार लाख जरिवाना ताेकेकाे थियाे ।

प्रदेश प्रहरी कार्यालय सुर्खेतबाट सादा पोसाकमा खटिएको प्रहरी टोलीले वीरेन्द्रनगर घण्टाघरनजिकबाट पक्राउ गरी जिल्ला प्रहरी कार्यालय सुर्खेतमा बुझाएको जनाइएकाे छ ।