राशिफल

प्रचण्डले आफ्नैलाई दिए धोका, संकटमा माओवादी

 न्यूज विराट
प्रचण्डले आफ्नैलाई दिए धोका, संकटमा माओवादी

काठमाडौं, माघ २५ । आफ्नै पार्टीभित्र समेत सल्लाह नै नगरी अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) संसदबाट पारित गर्ने प्रतिबद्धता जनाएको पत्र सार्वजनिक भएपछि नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ इतिहासकै सवैभन्दा ठूलो अप्ठेरोमा पर्नुभएको छ । पत्रमा प्रधानमन्त्री शेरबहादुर देउवा र प्रचण्डको हस्ताक्षर छ।

प्रचण्डले पत्रको स्वामित्व लिनुको साटो किन सार्वजनिक गरेको भन्दै प्रधानमन्त्रीलाई प्रश्न सोधेपछि उहाँको चरित्र झनै नांगो बनेको छ । आश्चार्य कुरा के हो भने आफैँले गरेको हस्ताक्षरको स्वामित्व किन लिन चाहँदैनन् प्रचण्ड ? सार्वजनिकरुपमा एमसीसी संसोधन नगरी पारित गर्न नसकिने रटान दिँदै आएका प्रचण्डले आफ्नै हस्ताक्षरको स्वामित्व नलिएर कार्यकर्ता माझमात्र होइन, पार्टीका आफ्नै सहयात्रीहरुको समेत विश्वास गुमाउँदै जानुभएको छ । बाहिर एकथरी अभिव्यक्ति दिने, तर भित्रभित्रै सत्ता गठबन्धनमा टिक्न र अमेरिकीहरुलाई नचिढ्याउने रणनीतिले प्रचण्ड अप्ठेरोमा पर्नुभएको हो ।

पार्टीभित्र पर्याप्त छलफल नगरी हरेक निर्णय आफू केन्द्रीत बनाउन खोज्दा प्रचण्ड प्रायः विवादमा आउने गर्नुभएको छ । एमसीसी मुख्यालयमा पठाएको पत्रमा हस्ताक्षर गर्दासमेत उहाँले आफ्नो पार्टीमा छलफल गर्न आवश्यक ठान्नुभएन । त्यही कारण प्रचण्ड फेरि विवादमा तानिनु भएको छ। प्रधानमन्त्री शेरबहादुर देउवा र प्रचण्डले एमसीसी पारित गर्ने प्रतिबद्धतासहितको संयुक्त हस्ताक्षर भएको पत्र सार्वजनिक भएपछि उहाँको चरित्र र महत्वकांक्षाबारे फेरि एकपटक चर्चा सुरु भएको छ।

प्रचण्डले किन आफ्नै हस्ताक्षरको स्वामित्व लिन तयार भएनन्रु यसको जवाफ कुनै दिन उनले देलान्। तर यस्तो प्रवृतिले राष्ट्रिय र अन्तर्राष्ट्रिय जगतमा प्रचण्ड र उहाँले नेतृत्व गरेको पार्टीको छबि नमज्जाले धुमिलिएको छ। एमसीसीको विरोधमा बाहिर जति चर्को भाषण गरे पनि प्रचण्ड एमसीसी पारित गर्न हतारिएको पत्रले देखाउँछ। एमसीसी पास गर्न प्रचण्डले देखाएको हतारोपनलाई उहाँले हस्ताक्षर गरेको पत्रले पुष्टि गरिसकेको छ। विश्लेषकहरुमा अनुसार, प्रचण्डसँग अब एकमात्र विकल्प छ, त्यो हो आफ्नो हस्ताक्षरको स्वामित्व लिने र एमसीसी पास गराउने। त्यसका लागि प्रचण्डले अहिले फेस सेभिङ खोजिरहेको देखिन्छ।

जनताको विश्वास जित्न प्रचण्डले आफ्नो हस्ताक्षरको स्वामित्व लिनुपर्ने र एमसीसीलाई पारित गर्न अघि बढाउनुपर्ने विश्लेषकको सुझाव छ। राजनीतिक विश्लेषक अरुण सुवेदीले प्रचण्डले एमसीसी मुख्यालयमा पठाएको पत्रको स्वामित्व लिनुपर्ने सुझाउनु भयो। एमसीसी पास गर्नुपर्ने प्रतिबद्धतासहितको पत्र पठाउनु गलत नभएको विश्लेषक सुवेदीको भनाइ छ।

आफ्नो हस्ताक्षरको स्वामित्व लिएनन् भने प्रचण्डले निभाएको दोहोर चरित्रबाट आम नेपाली जनताले समेत अब प्रचण्डलाई विश्वास गर्न कठिन हुने देखिएको छ। छलछाम र ढाँटको राजनीतिबाट वाक्क बनेका नेपाली जनताहरु नेताहरुबाट थप धोका सहनसक्ने अवस्थामा छैनन्। कार्यकर्ता र जनतालाई प्रचण्डले ढाँटे नै, तर उहाँले सँगै जनयुद्धबाट नाफाको जिन्दगी लिएर आएका आफ्नै सहयात्रीहरुसँग समेत झुट बाल्नुभएको छ। प्रचण्डलाई नेता मानेर हिँडेका नारायणकाजी श्रेष्ठ, देव गुरुङ, लिलामणि पोख्रेल, लेखनाथ न्यौपानेहरुसँग समेत उहाँले सत्य बोल्न नसकेको देखिन्छ।

पत्र सार्वजनिक भएको भोलिपल्ट अर्थात सोमवार सरकारले आगामी बैशाख ३० गते स्थानीय तहको निर्वाचन घोषणा गरेको छ । अर्थात सरकार तीनै तहको निर्वाचन गराउन जुटेको छ यतिबेता। कांग्रेस सभापति शेरबहादुर देउवा नेतृत्वको गठबन्धन सरकारमा को बलिया सहयात्री प्रचण्ड हुनुहुन्छ ।

नेकपा माओवादी केन्द्रका नेताहरुमा आएको विचलन, आर्थिक अनुशासनहीनता, आफ्ना कार्यकर्ताप्रति अनुत्तरदायी र नेताहरुमा क्रमसः बढेको अहम् र अहंकारका कारण उनीहरुलाई आफ्नै कार्यकर्ताले छाड्दै गएका छन्। आफ्नै पार्टीका नेता र कार्यकर्तामाथि पार्टी अध्यक्ष प्रचण्डले गरेको राजनीतिक तिकडमबाजी र ढुलमुले नीतिले माओवादी केन्द्र जनतामाझ कमजोर हुँदै गएको छ।

सम्बन्धित समाचार

विराटको सङ्कलन केन्द्र विराटनगरको भट्टिमोडमा स्थापना, अब घरमै बसेर बिरामीले रिपोट पाउने

विराटनगर । विराटनगरको दक्षिणी क्षेत्र र सीमावर्ती भारतीय बिरामीहरूलाई स्थानीय स्थरमा स्वास्थ्य सेवा पु¥याउने उद्देश्यले विराट नर्सिङ होम भित्र रहेको विराट इन्टरनेशनल डाईग्नोस्टिक ल्याब प्रा.लि. ले रगत सङ्कलन केन्द्र स्थापना गरेको छ ।विराटले आइतबार विराटनगर...

बुद्धोदय सहकारीको निक्षेप ११ करोड १ लाख

विराटनगर । विराटनगर महानगरपालिका ३ मा रहेको बुद्धोदय बचत तथा ऋण सहकारी संस्था लि. ले आर्थिक वर्षमा ११ करोड भन्दा बढी रकम निक्षेप गर्न सफल भएको छ ।सहकारीको विराटनगरमा आइतबार भएको १४ औं वार्षिक साधरण...

विराट एक्स्पोको तयारी पुरा, ३६१ वटा स्टल रहने

विराटनगर । सातौं संस्करणको विराट एक्स्पोको तयारी पुरा भएको छ । मंसिर २९ देखि पुस ६ गतेसम्म विराटनगर महानगरपालिका–१४ स्थित डिग्री क्याम्पस (पुरानो हवाई फिल्ड)मा हुन लागेको एक्स्पोको तयारी पुरा भएको आइतबार पत्रकार सम्मेलन गरी...

रोटरी क्लबले मनायो बालबालिकासँग अन्तराष्ट्रिय अपाङ्गता दिवस

विराटनगर, १७ मंसिर । रोटरी क्लब अफ विराटनगर डाउनटाउनले अन्तराष्ट्रिय अपाङ्गता दिवस मनाएको छ । क्लबले अपाङ्गता भएका बालबालिकाहरुसँग ३१ औँ अन्तराष्ट्रिय अपाङ्गता दिवस मनाएको हो । पिटर प्यान प्ले पेन स्कूलको सहयोगमा क्लबले सीपी...