काठमाडौं, ६ माघ । लोकसेवा आयोगले कोरोना संक्रमण बढेको भन्दै यही माघ ११ गतेदेखि माघ मसान्तसम्मका सबै लिखित परीक्षा स्थगित गरेको छ ।

आयोगको विहीबार बसेको बैठकले परीक्षा स्थगित गर्ने निर्णय गरेको हो । आयोगले आगामी फागु ७ गतेदेखि हुने तय भएको लिखित परीक्षासमेत ७ दिन अगाडि सूचना दिएरमात्र सञ्चालन गर्ने जनाएको छ ।

लिखित परीक्षाबाहेक आयोगका अन्य गतिविधि भने यथावत रहेको आयोगले  जारी गरेको सूचनामा जनाइएको छ ।