बर्जु महोत्सवमा तोडफोड र आगजनी प्रकरणः विराटनगरको एसएम साउण्ड सिस्टमको एक करोड ७ लाख क्षती

 न्यूज विराट
बर्जु महोत्सवमा तोडफोड र आगजनी प्रकरणः विराटनगरको एसएम साउण्ड सिस्टमको एक करोड ७ लाख क्षती

विराटनगर, ५ माघ । सुनसरीको बर्जु महोत्सवमा मंगलबार भएको तोडफोड र आगजनीमा विराटनगरको एस एम साउण्ड सिस्टमको करिब एक करोड मुल्य बराबरको क्षती भएको छ । विराटनगर घोघापुलस्थित एस एम साउण्ड सिस्टमका सञ्चालक जाहिद हुसेनले बुधबार पत्रकारसम्मेलन गर्दै तोडफोडबाट आफ्नो मात्र एक करोड सात लाख रुपैयाँ मुल्य बराबरको क्षती भएको बताएका हुन् ।

पत्रकार सम्मेलनमा सञ्चालक हुसेनले महोत्सवमा एस एम साउण्ड सिस्टमको विभिन्न लाइट सामाग्री, विभिन्न प्रकारका साउण्ड बक्स र स्टेज सामानको प्रयोग भएको र आयोजकको लापराहीका कारण तोडफोड तथा आगजनी हुँदा एक करोड बढी मुल्य बराबरको क्षती भएको दावी गरे ।

उनले महोत्सवमा प्रयोग भएको एस एम साउण्ड सिस्टमको सम्पूर्ण सामान तोडफोड र आगजनीबाट क्षती भएकाले सम्पूर्ण सामानको क्षतीपूर्ती आयोजकले दिनुपर्ने माग गरेका छन् । उनले आयोजकको लापरबाहीका कारण तोडफोड र आगजनी भएकाले त्यसको सम्पूर्ण जिम्मा आयोजकलेनै लिनुपर्ने र नष्ट भएको सवै सामाग्रीको क्षतीपूर्ती ब्यहोर्नुपर्ने बताए ।

तोडफोड तथा आगजनीबाट एस एम साउण्ड सिस्ष्टमको १० थान मुभिङ हेड, ३६ वटा एलइडी पार्क, वाम पार्क र एलइडी हेलोजिन १०÷१० थान, धुँवा मेसिन २ थान, ६ थान बेस बक्स, लाइनरी बक्स ८ थान, सिंगल बेस बक्स ४ थान, मनिटर १० थान, जेबिएल १४ वटा, क्युब बक्स २ थान, एम्प्ली फायर ३ थान, मिक्स्चर २ थान, वायरलेस माइक २ सेट, ल्यापटप १ थान, माइक सात थान, सानो ठुलो गरी माइक स्टेण्ड १० वटा, डिजिटल डिले दुई वटा, ३८ क्वाइल तार, ६ थान हर्न र युनिट १० वटा नष्ट भएको हुसेनले जानकारी दिए ।

त्यस्तै स्टेजका सामान अन्तर्गत फ्रेम १० थान, प्लाई १६ थान, ३ रोल कार्पेट, चेन पुल्ली र साण्ड लेस जेनेरेटर दुई÷दुई वटा, एउटा सिटी सफारी, दुई वटा मोबाइल र डिएम एक्स लाइट मिक्सचर तीनवटा क्षती भएको हुसेनको दावी छ ।

पत्रकार सम्मेलनमा मेची कोशी साउण्ड सिष्टम व्यावसायी संघ प्रदेश नम्बर १ का अध्यक्ष विनोद कठेतले आयोजकको धेरै कमी कमजोरीका भएको सवै क्षती व्यहोर्नुपर्ने बताए ।

सुनसरीको बर्जु गाउँपालिका—६ स्थित चिमडीमा आयोजित बर्जु महोत्वसमा चर्चित भारतीय कलाकार खेसरीलाल नआएको भन्दै मंगलबार स्थानीयले तोडफोड र आगजनी गरेका थिए । चर्चित भारतीय कलाकार खेसरीलाल आउने भनेर प्रचार गरिएपनि अन्ति समयमा नआएपछि आक्रोशित स्थानीयले स्टेज तोडफोड गरिदिएका थिए ।

खेसरीलाल आउने भनेर महंगोमा टिकट काटेका स्थानीयले उनी आउने कार्यक्रम रद्ध भएको जानकारी पाएपछि तोडफोड र आगजनी गरेको प्रत्यक्षदर्शी स्थानीय धर्मेश ठाकुरले बताएका छन् । उनका अनुसार आक्रोशित स्थानीयले भारतीय नम्बर प्लेटका ४ वटा स्कोरपियो र मोटरसाइकमासमेत आगजनी गरेका थिए । त्यस्तै आक्रोशित स्थानीयले स्टेज, कुर्सीहरु र बाजागाजा समेत तोडफोड गरेका थिए ।

सम्बन्धित समाचार

विदेशमा कोरोनाबाट २ सय ८४ नेपालीको मृत्यु

काठमाडौं, ९ कात्तिक-विश्वव्यापी महामारी रूपमा फैलिरहेको कोरोना भाइरस (कोभिड-१९) संक्रमणबाट गत साता विदेशमा थप एक नेपालीको मृत्यु भएको छ । गैरआवासीय नेपाली संघ (एनआरएनए) का अनुसार साउदी अरबमा एक नेपालीको कोरोना संक्रमणबाट मृत्यु भएको हो...

गृष्म श्रेष्ठ भए विराट एक्स्पो सिङ्गिङ आइड

विराटनगर । ‘विराट सिङ्गिङ अइडल’को उपाधि गृष्म श्रेष्ठले जितेका छन् । १ सय ५० जना प्रतिस्पर्धीलाई पन्छाउँदै श्रेष्ठले विराट सिङ्गिङ अइडल’को उपाधि जितेका हुन् । बुधबार सम्पन्न भएको आइडलको फाइनल राउण्डमा ६ जना प्रतिस्पर्धी छनोट...

तिजमा संगिनी प्रतियोगिता

विराटनगर । हरितालिका तिजको अवसरमा सोलुखुम्बुको नेचासल्यान गाउपालिका– २ को नवज्योती महिला समूहले आयोजना गरेको खुल्ला संगिनी नृत्य प्रतियोगितामा वीपी संस्कृत मावि समूह प्रथम भएको छ । सो समूहमा नृत्यतर्फ नानीमैया आचार्य,पुषणा निरौला,रमिला कार्की र...

मनमोहनको जन्म जयन्तीमा प्राविधिक विश्व विद्यालयमा विविद्य कार्यक्रम

विराटनगर । १०४ औं मनमोहन जन्म जयन्तीको अवसरमा मनमोहन प्राविधिक विश्व विद्यालयले विविद्य कार्यक्रम आयोजना गरी मनाएको छ । मोरङको बुढीगंगा गाउँपालिका – ४ हात्तीमुढामा केन्द्रिय कार्यालय रेहको देशकै पहिलो प्राविधिक विश्वविद्यालयमा जन्म जयन्तीमा शनिबार...

पेट्रोल, डिजेल र मट्टीतेलको मूल्य प्रतिलिटर १०/१० रुपैयाँ घट्यो

नेपाल आयल निगमले पेट्रोलको मूल्य घटाएको छ । इन्डियन आयल कर्पोरेसनले मूल्य घटाएर पठाएपछि नेपालमा पनि पेट्रोलियम पदार्थको मूल्य घटेको हो । निगमले बुधबार राति १२ बजेदेखि लागू हुनेगरी मूल्य घटाएको हो । पेट्रोलको मूल्य...

रुकुम पश्चिमका १ जनामा पनि देखियो कोरोना संक्रमण

सुर्खेत, ६ असार-कर्णाली प्रदेशको १० जिल्लामध्ये कोरोना संक्रमण नदेखिएको रुकुम पश्चिममा १ जनामा कोरोना संक्रमण देखा परेको छ । राप्ती स्वास्थ्य विज्ञान प्रतिष्ठान दाङमा गरिएको परीक्षणमा १ जनामा कोरोना देखिएको हो । राप्ती स्वास्थ्य विज्ञान...

एमाले संसदीय दलको बैठकमा गौतम पनि सहभागी

नेकपा (एमाले) को संसदीय दलको बैठक सुरु भएको छ । प्रधानमन्त्री निवास बालुवाटारमा बैठक सुरु भएको हो । एमाले विवादमा तटस्थ रहँदै आएका नेता बामदेव गौतम पनि आजको संसदीय दलको बैठकमा सहभागी भएका छन् ।...

कोरोना संक्रमणबाट देशभर १२७४ जनाको मृत्यु

काठमाडौं, २६ कात्तिक-नेपालमा कोरोना संक्रमणबाट थप २६ जनाको मृत्यु भएको छ । पछिल्लो २४ घण्टाको अवधिमा थप २६ जनाको कोरोना संक्रमणबाट निधन भएको स्वास्थ्य मन्त्रालयले पुष्टि गरेको हो । योसँगै नेपालमा कोरोना संक्रमणबाट मृत्यु हुनेको...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्