विराटनगर, २५ पुस । राष्ट्रियसभाका पूर्वसांसद तथा दलित आन्दोलनका शिर्ष नेता खेम नेपाली सम्मानित हुनुभएको छ । मैथिली लोक, कला तथा भाषा संस्कृती संरक्षणमा महत्वपूर्ण योगदान गरेको भन्दै पूर्व सांसद नेपालीलाई अप्पन विराटगढ परोपकार समाजले सम्मान गरेको हो ।

विराटनगरमा एक कार्यक्रमकाबीच पूर्व सांसद नेपालीलाई सम्मान गरिएको हो । प्रदेश १ का सामाजिक विकास मन्त्री जयराम यादवले विराटनगरमा आयोजित कार्यक्रममा पूर्वसांसद नेपालीलाई सम्मानपत्र हस्तान्तरण गर्नुभयो ।

पूर्व सांसद नेपालीले निरन्तर मैथिली कला, संस्कृती र भाषा संरक्षणमा योगदान पुर्याउँदै आउनुभएको छ । उहाँले राष्ट्रियसभामा मैथिली कला, संस्कृती र भाषा संरक्षणका लागि जोडदाररुपमा आवाज उठाउनुभएको थियो ।

त्यस्तै उहाँले देश व्यापीरुपमा मैथिली कला, संस्कृती र भाषा संरक्षणमा जोड दिँदै आएकाले महत्वपूर्ण योगदानका लागि सम्मान गरिएको अप्पन विराटगढ परोपकार समाजका अध्यक्ष मिथिलारत्न बसुन्धरा झाले बताउनुभयो ।