थप २३८ जनामा कोरोना संक्रमण पुष्टि, ३७० डिस्चार्ज - News Birat

थप २३८ जनामा कोरोना संक्रमण पुष्टि, ३७० डिस्चार्ज

न्यूज विराट

पछिल्लो २४ घण्टामा २ सय ३८ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार सोही अवधिमा १ जना कोरोना संक्रमितको मृत्यु भएको छ ।

मन्त्रालयका अनुसार पछिल्लो २४ घण्टामा ३ सय ७० जना संक्रमित उपचारपछि डिस्चार्ज भएका छन् ।

उक्त अवधिमा ९ हजार १ सय २३ जनाको कोरोना परीक्षण गरिएको थियो । त्यसमध्ये ७ हजार ८ सय ४५ जनाको पीसीआर र १ हजार २ सय ७८ जनाको एन्टिजेन विधिबाट परीक्षण गरिएको थियो ।

मन्त्रालयले हाल मुलुकभर ७ हजार १ सय ६४ जना सक्रिय संक्रमित रहेको जानकारी दिएको छ ।

आज ४० हजार १४ जनालाई कोरोनाविरुद्धको खोप लगाइएको मन्त्रालयले जानकारी दिएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles