विराटनगर, १२ पुस । सिईओ नविन सुवेदीको योजनामा विराटनगरस्थित सप्तकोशी डेभलोपमेन्ट बैंक घोटला भएको हिमाल भट्टराईका आफन्तले आरोप लागाएका छन् ।

प्रहरी नियन्त्रणमा रहेका आरोपित भट्टराईका आफन्तले सोमबार विराटनगरमा पत्रकार सम्मेलन गर्दै सिईओ सुवेदीको योजनामा बैंक घोटाला भएको आरोप लगाएका हुन् ।

पत्रकार सम्मेलनमा उनीहरुले सिईओ सुवेदीकै योजनामा सबै काम भएको दावी गरे । पत्रकार सम्मेलनमा प्रहरी नियन्त्रणमा रहेका आरोपित हिमाल भट्टराईका भाई मनोज भट्टराईले आफ्नो दाजुलाई सुनियोजित तरिकाले फसाइएको दावी गरे ।

सिईओ सुवेदी भट्टराईका मामाका छोरा हुन् । तर, आफ्नै मान्छेलाई सुनियोजित रुपमा फसाएको भट्टराई बताए । ‘उहाँ आफ्नै मामाको छोरा हुनुहुन्छ । तरपनि हाम्रो सम्पर्कमा उहाँ आउन चाहि रहनु भएको छैन ।’ उनले भने,‘हामी आफ्नै परिवार भित्रको मान्छे भएकाले भागीभागी हिड्न जरुरीनै थिएन । उहाँको गल्ति नभए किन कुरै गर्न चाहनुहुन्न ?’