विराटनगर,२४ मोरङ । संस्कृति, पर्यटन तथा नागरिक उड्डयन मन्त्री प्रेमबहादुर आले विराटनगर विमानस्थल विस्तारका लागि आवश्यक बजेटको व्यवस्था गर्ने बताउनु भएको छ। विराटनगर विमानस्थलमा आज सञ्चारकर्मीहरुसँग सक्षिप्त कुरा गर्दै उहाँले आगामी आइतबार वस्ने क्यानको वैठकबाट सो सम्वन्धि निर्णय गरिने जानकारी दिनु भयो ।

मन्त्री आलेले विराटनगर विमास्थललाई विस्तारका लागि नेकपा(एकिकृत समाजवादी) पार्टीका अध्यक्ष एवं पूर्वप्रधानमन्त्री माधवकुमार नेपालले समेत निर्देशन दिनु भएको हुनाले सो सम्वन्धमा आवश्यक कार्य गर्ने प्रतिवद्धता जनाउनु भएको छ।

उहाँले विराटनगर विमानस्थलमा विस्तारमाका अधिग्रहण गरिने जग्गाको मुआव्जा वितरणका लागि प्रमुख जिल्ला अधिकारीको नेतृत्व गठन गरिएको समितिको निर्णय अनुसार गरिने छ भन्नु भयो ।

विराटनगर विमानस्थल विस्तारका सम्वन्धमा जिटुजि, वुट तथा इपसियु तीन मोडल मध्ये एकको आधारमा कार्य गरिने जानकारी दिनु भयो । मन्त्री आले नेपालमा हाल संचालनमा रहेका ३५ विमानस्थलका विस्तार , सुदृढीकरणका सम्वन्धमा उक्त्त वैठकले निर्णय गर्ने जानकारी दिनु भयो ।

एक प्रश्नको जवाफमा मन्त्री आलेले युरोपियन देशले नेपाली विमान उडानका लागि कालो कालो सुचि हटाउन प्रतिनिधि सभाको वैठकमा विधेयक पारित पश्चात उडान सञ्चालन हुने विश्वास व्यक्त्त गर्नु भयो ।

सो अवसरमा उहाँले विराटनगर विमानस्थलमा यात्रु सामान ढुवानीमा परेका समस्या समाधानका लागि आवश्यक पहल गर्ने त्यसका लागि लाग्ने बजेट निकासा गर्ने बताउनु भयो ।

मन्त्रीले आले विराटनगर विमानस्थलको टिकट कक्ष लगायत अन्य अन्य क्षेत्रको निरीक्षण गरी गर्नु पर्ने सुधारका लागि आवश्यक पहल गर्न निर्देशन समेत दिनु भयो । मन्त्री आले नेपाल उद्योग परिसङ्घ प्रदेश समितिको वार्षिक साधारण सभाका लागि आज अपरान्ह विराटनगर आउनु भएको हो ।