विराटनगर, १५ मंसिर । नेपाली कांग्रेस मोरङको सभापतिमा डिगबहादुर लिम्बु विजयी भएका छन् । १४ औँ महाधिवेशन अन्तर्गत मंगलबार राति सम्पन्न निर्वाचनमा लिम्बु बिजयी भएका हुन् । पौडेल–कोइराला समुहमा रहेका उनले देउवा–सिटौला समुहका दिलिप गच्छदारलाई पराजीत गरेका हुन् ।

लिम्बु यसअघि पनि सभापति थिए । उनलाई डा. शेखर कोइराको समर्थन थियो । लिम्बुले १९०६ मत प्राप्त गर्दा गच्छदारले १४२२ मत प्राप्त गरे ।यस अघि निर्वाचन भएपनि तीन जना उम्मेदवार मध्ये कसैले ५१ प्रतिशत मत कटाउन नसकेपछि पुनः निर्वाचन हुँदा सभापतिमा लिम्बुले बाजी मारेका हुन् ।

पहिलो निर्वाचनमा कोइराला पक्षका लिम्बू, सस्थापन पक्षका गच्छदार र सिटौला पक्षका यदु विष्ट सभापतिको उम्मेदवार बनेका थिए । तर, कसैले ५१ प्रतिशत मत प्राप्त गर्न नसकेपछि पुनः निर्वाचन भएको हो ।

दोस्रो पटक भएको निर्वाचनमा सिटौला समुहका बिष्टले संस्थापन पक्षका गच्छदारलाई समर्थन गरेपनि गच्छदार पराजीत भए ।