कारोबार सुरु भएको पहिलो १५ मिनेटमा २६ अंकले ह्रास आएको मंगलबारको नेप्से कारोबारमा पहिलो ४५ मिनेटमा युटर्नका साथै त्यसपछिको १५ मिनेटमा उच्च अंकको उतारचढाव आएको छ ।

साढे ११ बजेसम्म अधिकतम ८० अंकले ह्रास आएको नेप्से १२ बज्दा २४ अंकले उकाले लागेको छ । सोमबार मात्रै ११४ अंकले ह्रास आएकोमा मंगलबार कारोबारको सुरुवात उच्च अंकको ह्राससहित भएको थियो ।

पछिल्लो आधा घण्टाको अवधिमा ८० अंकको ह्रासलाई  कम गरेर २४ अंकको उकालो दर कायम भएको हो । ११ बजेर ५६ मा अधिकतम २ हजार ७ सय ६६ अंकमा पुगेको नेप्से पुन: ओरालो लाग्दै ४ मिनेटको अवधिमा ४४ अंकले कम भएर एक घण्टाको अवधिमा २ हजार ७ सय २२ अंक कायम भएको छ ।

१२ बजेसम्म २११ कम्पनीका ५४ लाख ३१ हजार कित्ता शेयर किनबेच हुँदा २ अर्ब ६९ करोड ४४ लाख ८८ हजार रुपैयाँ बराबरको कारोबार भएको छ ।