काठमाडौं, १ असोज । कोरोनाविरुद्धको थप ४४ लाख डोज भेरोसेल खोप नेपाल आइपुगेको छ । शुक्रबार दिउँसो २ बजे खोप लिएर नेपाल एयरलाइन्सको जहान त्रिभुवन अन्तर्राष्ट्रिय विमानस्थलमा आइपुगेको हो ।

सरकारले चीनबाट पछिल्लो समय ६० लाख डोज भेरोसेल खोप खरिद गरेको थियो । त्यसमध्ये १६ लाख डोज खोप यसअघि नै नेपाल आइसकेको छ । निगमको जहाज खोप लिनका लागि शुक्रबार चीन गएको थियो ।

नेपालले एकै पटकमा यति ठूलो मात्रामा खोप पहिलोपटक ल्याएको छ । नेपालमा हालसम्म १ करोड ३३ लाख डोज खोप आइसकेको स्वास्थ्य विभागअन्तर्गतको खोप शाखाले जानकारी दिएको छ ।