जनता समाजवादी पार्टी (जसपा) नेपालका अध्यक्ष महन्थ ठाकुरले प्रधानमन्त्री शेरबहादुर देउवालाई विश्वासको मत दिने बताएका छन् ।

प्रतिनिधिसभामा बोल्दै ठाकुरले प्रधानमन्त्री देउवालाई बधाईसँगै सफल कार्यकालको शुभकामना पनि दिए । पटक–पटक प्रधानमन्त्रीहरुलाई समर्थन गरे पनि जसपाले उठाएका माग पूरा नभएकोमा ठाकुरले गुनासो गरे । ‘हामी मत त दिन्छौं तर उत्पीडितले केही पाउँदैन । प्रधानमन्त्री त परमादेशले नै बनेको हो जनताको आदेशले होइन’, ठाकुरले भने ।

देशमा राजनीतिक अस्थिरता बढ्नुको मुख्य जड नै संविधान रहेको ठाकुरले बताए । ‘हामीले बारम्बार भनेका छौं कि संविधान नै गलत छ । राजनीतिक अस्थिरताको जड यही संविधान हो’, ठाकुरले भने ।