विराटनगर, ८ जेठ । कोरोना भाइरसको संक्रमणका कारण विराटनगर भन्सार संघका अध्यक्ष विजेन्द्र परासरको निधन भएको छ । शनिबार विहान अध्यक्ष परासरको ५१ वर्षको उमेरमा निधन भएको हो ।

मोरङको बुढीगंगा गाउँपालिकास्थित विराट शिक्षण अस्पतालमा उपचाररत उनको शनिबार विहान ७ बजे निधन भएको पारिवारिक स्रोतले जनाएको छ ।

परासर गत १२ फागुनमा सम्पन्न १० औँ साधारणसभा तथा चौथो अधिवेशनबाट पुनः अध्यक्षमा निर्वाचित । त्यसअघि पनि परासरनै संघको अध्यक्ष थिए ।