नेपालमा पछिल्लो २४ घण्टामा कोरोना भाइरसका कारण १८७ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ४ हजार ८५६ पुगेको छ ।

स्वास्थ्य तथा जनसंख्या मन्त्रालयका अनुसार २४ घण्टामा ८ हजार १६७ जनामा संक्रमण पुष्टि भएको छ । योसँगै नेपालमा संक्रमितको संख्या ४ लाख ४७ हजार ७०४ पुगेको छ । आज १७ हजार ९७१ पीसीआर र ५७७ जनाको एन्टिजेन परीक्षण भएको छ ।

त्यस्तै, आज  ५ हजार ४५५ जनाले कोरोना जितेर डिस्चार्ज भएका छन् । अहिलेसम्म संक्रमणमुक्त हुनेको संख्या ३ लाख ३३ हजार १०८ पुगेको छ । अहिले देशभर १ लाख ९ हजार ७४० सक्रिय संक्रमित रहेका छन् ।