तिन थान भरुवा बन्दुक सहित तिन जना पक्राउ
विराटनगर, १२ असार । तेह्रथुम लालिगुरास नगरपालिका १ भुल्के स्थितबाट तिन थान भरुवा बन्दुक सहित तिन जनालाई पक्राउ गरिएको छ । पक्राउ पर्नेमा सोही स्थानका ३५ बर्षीय मनोज गुरुङ, ३४ बर्षीय प्रेम गुरुङ र ३६...
विराटनगर, २१ वैशाख । निषेधाज्ञा उल्लंघन गरी कुदाइएका १ सय मोटरसाईकल प्रहरीले विराटनगरबाट नियन्त्रणमा लिएको छ । निषेधाज्ञाको समयमा विना कारण मोटरसाईकल कुदाएको भन्दै प्रहरीले मोटरसाईकल नियन्त्रणमा लिएको हो । निशेधाज्ञा उल्लंघन गरेको भन्दै जिल्ला ट्राफिक प्रहरी कार्यालयले मंगलबार १ सय २७ वटा सवारीसाधन नियन्त्रणमा लिएको छ ।
ती मध्ये सबैभन्दा बढी १ सयको संख्यामा मोटरसाईकल मात्र छन् । प्रहरीले नियन्त्रणमा लिएको अन्य सवारीसाधनमा सिटि सफारी १४ वटा, टेम्पू ८, म्याजिक १ र ट्रिपर ४ वटा रहेको जिल्ला ट्राफिक कार्यालय मोरङका प्रमुख चन्द्रबहादुर खड्काले जानकारी दिए ।
नियन्त्रणमा लिइएका मोटरसाइकल चालकहरुलाई केहि घन्टा रोकेर आइन्दा निशेधाज्ञाको समयमा नकुदाउने शर्त सहित छाडिएको छ । निषेधाज्ञा सुरु भयता ७ सय २८ वटा सवारीसाधन प्रहरीको कारवाहीमा परिसकेका छन ।
यसअघि निशेधाज्ञा उल्लंघन गरेको अभियोगमा प्रहरीले आईतबार २ सय ४२ वटा र सोमबार ३ सय ५९ वटा सवारीसाधन नियन्त्रणमा लिएको थियो । नियन्त्रणमा लिइएका सवारीसधनमा सबभन्दा बढी मोटरसाईकलको संख्या छ ।
