विराटनगर, १५ वैशाख । कोरोना भाइरसको संक्रमणका कारण विराटनगरमा दुई जनाको मृत्यु भएको छ । विराटनगरस्थित नोबेल शिक्षण अस्पतालमा उपचारका क्रममा मोरङ र झापा घर भएका संक्रमित पुरुषको बुधबार विहान मृत्यु भएको हो ।

मोरङको कटहरी गाउँपालिका–२ का ४५ वर्षीय संक्रमित पुरुषको उपचारका क्रममा बिहान ३ः४५ बजेतिर मृत्यु भएको अस्पतालका प्रबन्धक नारायण दाहालले जानकारी दिए । मृतक पुरुषमा निमोनियाको पुरानै समस्या रहेको उनले बताए । प्रवन्धक दाहालका अनुसार कोरोना पुष्टि भएपछि उनलाई उपचारका लागि १२ वैशाखमा अस्पताल भर्ना गरिएको थियो ।

त्यस्तै झापाको झापा गाउँपालिका–१० का ५५ वर्षीय पुरुषको पनि उपचारका क्रममा मृत्यु भएको छ । कोरोना पुष्टि भएपछि उनलमाई १३ वैशाखमा अस्पताल भर्ना गरिएकोमा उपचारका क्रममा मृत्यु भएको हो ।

संक्रमित पुरुषको उपचारका क्रममा बिहान १ बजेतिर मृत्यु भएको प्रवन्धक दाहालले जानकारी दिए । उनका अनुसार मृतक दुवैको शव व्यवस्थापनका लागि पहल भइरहेको छ ।