विराटनगर, ३० चैत । विराटनगर–१२ स्थित लेखनाथ वाचनालयले युवा साहित्यकार एवं पत्रकार मीनकुमार नवोदितसहित विभिन्न क्षेत्रमा योगदान पु¥याउने व्यक्तिहरुलाई सम्मान गरेको छ ।

वाचनालयले १७ औं वार्षिकोत्सवको अवसरमा साहित्य क्षेत्रमा योगदान पु¥याएबापत नवोदितलाई सम्मान गरेको हो । विराटनगर वडा नम्बर १२ मा बसोबास गर्ने साहित्यकार, पत्रकार, समाजसेवीलगायतलाई वाचनालयले वार्षिकोत्सवका अवसरमा सम्मान गर्दै आएको छ ।

नवोदितलाई विराटनगर–१२ मा स्थायी रुपमा बसेर साहित्य क्षेत्रमा सक्रिय भएकाले सम्मान गरिएको वाचनालयकी अध्यक्ष सीता लामिछानेले बताइन् ।

साहित्यकार नवोदितलाई प्राज्ञ गंगा सुवेदी, समाजसेवी विष्णु शर्मा, आयोजक संस्थाकी अध्यक्ष सीता लामिछानेलगायतले दोसल्ला ओढाएर सम्मानपत्र प्रदान गरेका थिए ।

त्यस्तै सोही अवसरमा वाचनालयका संस्थापक अध्यक्ष केदारप्रसाद अर्याल र जग्गादाता भूपध्वज कार्कीलाई मरोणापन्त सम्मान गरियो । त्यस्तै वाचनालयका पूर्वअध्यक्ष अश्विनीकुमार अर्याल, मणिकुमार अर्याल, समाजसेवी मीनादेवी बस्नेतलगायतलाई समेत सम्मान गरिएको थियो ।

कार्यक्रमकी प्रमुख अतिथिसमेत रहनु भएकी प्राज्ञ गंगा सुवेदीले वाचनालयलाई विराटनगर महानगरपालिकाका हरेक वडामा बसोबास गर्ने व्यक्तिले सहयोग गर्नुपर्नेमा जोड दिइन् ।

कार्यक्रममा सहकारीका अभियन्ता रमेशप्रसाद पोखरेल, डिल्ली पोखरेल, एवीसी नेपालकी अध्यक्ष विष्णु शर्मा, विराटेश्वर वृद्धाश्रमका अध्यक्ष जगतप्रसाद अज्र्याललगायतले शुभकामना मन्तव्य व्यक्त गरे ।