मोरङमा १६७ सहित प्रदेश १ मा आज १ सय ८१ संक्रमित थपिए
विराटनगर, ११ असोज—प्रदेश १ मा पछिल्लो २४ घण्टामाा १ सय ८१ कोरोना संक्रमित थपिएका छन् । दैनिक संक्रमण संख्यामा यो अहिले सम्मकै उच्च हो । मोरङमा १६७, सुनसरीमा ७, झापामा ३, भोजपुरमा २, तेह्रथुम र...
विराटनगर, १७ फागुन । विराटनगरका उद्योगी व्यवसायीले खुल्ला सिमानाको फाइदा उठाउँदै भारतबाट नेपाल तर्फ हुने अबैध आयात नियन्त्रण गर्न माग गरेका छन् ।
सोमबार विराटनगरमा बाणिज्य तथा आपूर्ति मन्त्रालयका सचिव दिनेश भट्टराईलाई स्वागत गर्दै विराटनगरका उद्योगी व्यवसायीले सीमाक्षेत्रबाट हुने अबैध आयात नियन्त्रण गर्न माग गरेका हुन् ।
कार्यक्रममा मोरङ व्यापार संघका अध्यक्ष प्रकाश मुण्दडाले खुल्ला सीमानाका कारण हुने अबैध आयातले नेपाली उद्योग व्यवसाय प्रभावित बनाएको बताए । उनले खुल्ला सिमानाबाट हुने अबैध आयात नियन्त्रण गर्न सरकारसँग माग गरे ।
उनले भारतसँगको बैठकमा मिरगञ्जको पुल चाँडो निर्माण सम्पन्न गर्ने एजेण्डा राख्न पनि आग्रह गरे । जिर्ण अवस्थाको पुल भएकाले जुनसुकै वेला पनि यहाँका उद्योगी व्यवसायीले हैरानी खेप्नु पर्ने स्थिति रहेको मुण्दडाले बता ए।
बाणिज्य तथा आपूर्ति मन्त्रालयका सचिव दिनेश भट्टराईले एक दुई पिस कपडा ल्याउँदैमा नेपालको बजार नै प्रभावित नहुने बताए । उनले उद्योगी व्यवसायी मध्येकै कसैले ठूलो परिमाणमा अबैध आयात गरेमात्रै नेपाली बजारलाई प्रभाव पार्ने स्पष्ट पारे ।
अबैध आयात नियन्त्रणमा सरकारी संयन्त्रले काम गरिरहेको उनको दाबी थियो । भट्टराईले उद्योगी व्यवसायीलाई सहजीकण गर्न सरकार सँधै तत्पर रहेको बता ए। उनले पूराना फर्मलाई ५ हजार रुपैयाँ लिएर बन्द गर्न पाउने व्यवस्था गर्न मुस्किल रहेको बताए ।
उनले मिरगञ्ज पुल लगायतका विषय भारतसँगको बैठकमा राखेर समाधान गरिने बताए । कार्यक्रममा कपडा उद्योगीहरूले सुति कपडामा भ्याट र भन्सारको दर घटाएर १० प्रतिशमा झार्न माग गरेका थिए । हाल सुति कपडा आयात गर्दा १५ प्रतिशत भन्सार र १३ प्रतिशत भ्याट लाग्ने गरेको छ ।
