विराटनगर, ३० माघ । जनता समाजबादी पार्टी नेपालको महानगर समितिले विराटनगरमा मौन बिरोध प्रदर्शन गरेको छ । जसपा माहानगर समितिले प्रधानमन्त्री केपी शर्मा ओली बिरुद्ध स्थानिय बुधहाट चोकमा आज अपरान्ह मौन प्रर्दशन गरेको हो ।
महानगर समितिले आयोजना गरेको बिरोध प्रर्दशनमा सहभागि नेता तथा कार्यकर्ताले बुधहाटचोकको पश्चिमतर्फको सडकमा प्लेकार्ड सहित लामबद्ध भएर एक घण्टासम्म बिरोध प्रर्दशन गरेका थिए ।
उनिहरुले ‘संघीय लोकतान्त्रीक गणतन्त्र जिन्दाबाद’ ‘निरंकुश प्रधानमन्त्री मुर्दाबाद’‘घरघरमा ग्याँस खोई’ र ‘मदन भण्डारीको हत्यारा खोई’लगायतका नारा लेखिएका प्लेकार्ड बोकेका थिए ।
देशभित्रका प्रमुख सबै पार्टीहरुले प्रधानमन्त्रीले चालेको कदमको बिरोध गरिरहँदा ओली एक्लै आफुलाई ढिट रुपमा प्रस्तुत गरिरहेको जसपा महानगर समितिका अध्यक्ष अम्रेन्द्र यादवले बताए ।
प्रधानमन्त्रीको असंबैधानिक कदमबिरुद्ध आफुहरु सडकमा रहेको र छिट्टै प्रधानमन्त्रीलाई घुंडा टेकाई छाड्ने यादवले दाबी गरे । बिरोध प्रर्दशनमा जसपा प्रदेश १ संसदीय दलका नेता जयराम यादव सहितका जिल्ला तथा प्रदेशस्तरका नेताहरुको सहभागिता थियो ।