वैदेशिक रोजगारमा गएका मोरङका १५ जनाको विदेशमा मृत्यु
विराटनगर । चालु आर्थिक वर्षको सात महिनामा मोरङबाट १३ हजार भन्दा बढी वैदेशिक रोजगारमा गएका मध्ये १५ जनाको मृत्यु भएको पाइएको छ । मृत्यु भएको मध्ये ११ जना पुरुष र ४ जना महिला रहेका छन्...
विराटनगर, १२ माघ । गत हप्ता मात्र एकीकृत भएको मोरङको लेटाङ नगरपालिकामा रहेको जनाचाहाना बचत तथा ऋण सहकारी संस्थाले आजबाट एक कार्यक्रमका बिच औपचारिक रुपमा कारोबार शुभारम्भ गरेको छ ।
कार्यक्रमका प्रमुख अतिथी विघटित प्रतिनिधी सभाका सांसद घनश्याम खतीवडा लगायतका अतिथीहरुले संयुक्तरुपमा कारोबार शुभारम्भ गरे । पाँच वटै सहकारी बिच एकीकरण गर्ने सहमति भएपछि गत माघ ९ गते शुक्रबार सहकारी एकिकरणको पत्र प्रदेश सहकारीका रजिस्टारको कार्यालय बाट एकिकृत प्रमाणपत्र लिई आज बाट औपचारीक रुपमा कारोबार सुरु गरिएको हो ।
हाल रहेको फडानी साकोसमा केन्द्रीय कार्यालय रहने र अन्य साविकको जनचाहाना बचत, गोदावरी धचत, खैरेनि बतचको कार्यलयबाट सेवा केन्द्रको रुपमा कारोबार हुने छ । कार्यक्रममा प्रमुख अतिथी खतिवडाले सहकारीले आर्थिक विकास, सामाजिक विकास, सांस्कृतिक विकास गर्ने बताउदै लेटाङ २ मा रहेका सहकारीको एकिकरणलाई हेरेर राजनितिक दल तथा तिनका नेताले पाठ सिक्नु पर्ने बताए ।
पाँच सहकारीको एकीकरणपछि शेयर पूँजी ७० करोड पुगेको छ भने शेयर सदस्य संख्या ७ हजार रहेका छन । एकीकरण भए संगै जनचाहानाको बचत शेयर पुजी तथा सेयर संख्याका आधारमा मोरङ जिल्लाकै ठूलो सहकारी भएको छ ।
