विराटनगर, १२ पुस-प्रदेश १ का थप तीन जना मन्त्रीले पदबाट राजीनामा दिएका छन् । प्रदेश १ का सामाजिक विकास मन्त्री जीवन घिमिरे, सामाजिक विकास राज्यमन्त्री जसमाया गजमेर र उद्योग, पर्यटन, वन तथा वातावरण राज्यमन्त्री विजय विश्वासले राजीनामा दिएका हुन् ।

नेकपा विभाजनसँगै मुख्यमन्त्री शेरधन राईले शनिबार आर्थिक मामिला तथा योजना मन्त्री इन्द्रबहादुर आङ्बोलाई पदमुक्त गरेका थिए । आङ्बोलाई पदमुक्त गरेसँगै प्रदेश १ मा प्रचण्ड–नेपाल समूहले अविश्वासको प्रस्ताव दर्ता गर्ने तयारी गरेका छन् ।गजमेरलाई प्रधानमन्त्री ओलीले आफू पक्षको केन्द्रीय सदस्यमा नियुक्त गरेपनि त्यसलाई अस्वीकार गर्दै प्रचण्ड–नेपाल पक्षमा लागेकी थिइन् ।