मन्त्रिपरिषद् बैठकमा अध्यादेश फिर्ताबारे भएन छलफल - News Birat

मन्त्रिपरिषद् बैठकमा अध्यादेश फिर्ताबारे भएन छलफल

न्यूज विराट

मन्त्रिपरिषद् बैठकमा संवैधानिक परिषद्सम्बन्धी अध्यादेश फिर्ता गर्ने प्रस्तावमा छलफल नै नभई बैठक सकिएको छ । बिहीबार साँझ प्रधानमन्त्री निवास बालुवाटारमा बसेको बैठकमा अध्यादेशबारे प्रस्ताव नआएको एक मन्त्रीले बताए ।

बुधबार बसेको नेकपा स्थायी कमिटी बैठकबाटै अध्यादेश फिर्ता लिने निर्णयको थियो ।प्रधानमन्त्री ओलीले आजको बैठकबाट निर्णय गरेर अध्यादेश फिर्ताको सिफारिस राष्ट्रपतिसमक्ष पठाउने अपेक्षा गरिएको थियो । तर, आजको मन्त्रिपरिषद् बैठक अध्यादेशबारे छलफल नगरी सकिएको हो ।

प्रधानमन्त्रीसहित तीन जना उपस्थित हुँदा बैठक बस्न सक्ने र त्यसबाटै बहुमतीय आधारमा नियुक्ति गर्न सक्ने प्रावधानसहित संवैधानिक परिषद्सम्बन्धी अध्यादेश सरकारले मंगलबार जारी गरेको थियो ।

स्थायीय कमिटी बैठकमा प्रधानमन्त्री ओलीले अध्यादेश फिर्ता लिने सहमति जनाए तापनि बिहीबार सो अध्यादेशबमोजिम संवैधानिक परिषद्को बैठक डाकेपछि कार्यकारी अध्यक्ष पुष्पकमल दाहाल प्रचण्ड बालुवाटार पुगेर आपत्ति जनाएका थिए ।

त्यस्तै, प्रमुख प्रतिपक्षी दलका नेता शेरबहादुर देउवाले पनि अध्यादेश फिर्ता नभएसम्म परिषद्को बैठकमा नआउने अडान राखेका थिए । त्यसपछि आज डाकिएको परिषद्को बैठक स्थगित गरिएको थियो ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles