विराटनगर, २८ मंसिर–पूर्व सूचना तथा प्रविधि मन्त्री गोकुलप्रसाद बाँस्कोटाले प्रधानमन्त्री केपी शर्मा ओलीलाई पार्टी अध्यक्ष र प्रधानमन्त्री पदबाट केन्द्रीय कमिटीको निर्णयबाट हटाउन नसकिने बताएका छन् । प्रेस संगठन मोरङले आज विराटनगरमा आयोजना गरेको पत्रकार सम्मेलनमा उनले महाधिवेशन र आम निर्वाचनवाट निर्वाचित प्रधानमन्त्रीलाई वहुमतको निर्णयबाट हटाउन खोज्नु नेपाल कम्यूनिस्ट पार्टी(नेकपा)लाई अस्तव्यस्त बनाउने प्रष्ट पारे ।

उनले पार्टी अध्यक्ष र प्रधानमन्त्रीलाई महाधिवेशन र संसदीय प्रक्रियाबाट मात्र हटाउन सकिने संवैधानिक व्यवस्था रहेको स्पष्ट पारे । नेता बाँस्कोटाले राजनीतिक र पार्टीको स्थिरताका लागि महाधिवेशनवाट निर्वाचित अध्यक्षलाई वहुमत केन्द्रीय कमिटीले हटाउन नसक्ने दावी गर्दै वहुुमत सदस्यहरुले आफ्नो दृष्टिकोण राख्न सकिने बताए ।

नेता बाँस्कोटाले अहिलेको पार्टीको विवाद छलफल र सम्वादबाट समाधान गर्न सकिने बताउदै निर्वाचित प्रधानमन्त्रीको कार्यकाल पुरा हुुनुपर्नेमा पार्टीका कार्यकता र आमजनताको चाहना रहेको बताए ।

पूर्वमन्त्री बाँस्कोटाले पार्टीको स्थायी कमिटीमा प्रधानमन्त्री विरुद्ध पेश गरिएको राजनीतिक प्रस्ताव नभएर एउटा कुण्ठा र आरोपपत्र रहेको प्रष्टपारे । अको प्रश्नको जवाफमा उनले प्रधानमन्त्रीबाट स्थायी कमिटीमा पेश गरिएको पत्र जवाफ मात्र भएको भन्दै उनले पार्टीलाई फुटबाट रोक्न दोश्रो पुस्ताका नेताले त्यसमा हस्तक्षेप गरी साझा सहमती कायम गर्नुपर्नेमा जोड दिए ।

उनले राजनीतिको नाममा हिंसा र व्यक्ति हत्या स्विकार्य हुननसक्ने बताउँदै कम्यूनिष्टको नाममा व्यक्ति हत्या खेदजनक रहेकोमा भत्र्सना पनि गरे । राजाबादीको प्रदर्शनका सम्वन्धमा उनले लोकतन्तको विकल्प छैन भन्दै यसमा व्यवस्था फेर्न सकिदैन र जनता निरंकुशता र कुडा करकट तिर चाहदैन भने ।

एक प्रश्नको जवाफमा नेता बाँस्कोटाले पार्टीको जिम्मेवार पदमा वसेका नेताका सम्वन्धमा उठेका नैतिकताका विषयमा हुने छानवीनका लागि पद त्याग गर्नु उचित हुने आफ्नो निजि विचार रहेको बताए । संवैधानिक निकायको खाली रहेको पदमा हुने नियुक्ति लागि वोलाइएको परिषदको वैठकमा प्रमुख प्रतिपक्ष दल सहभागी हुनुपर्छ भन्दै उनले अन्यथा निकाय कमजोर हुनाले सरकारले ध्यान दिई अध्याधेश ल्याउन सक्ने धारणा राखे ।