विश्वकै सर्वोच्च शिखर सगरमाथाको पछिल्लो उचाइ सार्वजनिक गरिएको छ । नेपाल र चीनले संयुक्त रूपमा मंगलबार सगरमाथाको उचाइ सार्वजनिक गरेका हुन् ।

सगरमाथाको नयाँ उचाइ ८ हजार ८ हजार ४८.८६ मिटर रहेको औपचारिक घोषणा गरिएको हो । भर्चुअल रूपमा दुवै देशका प्रतिनिधि सहभागी रहेको कार्यक्रममा परराष्ट्रमन्त्री प्रदीप ज्ञवालीले सगरमाथाको नयाँ उचाइ घोषणा गरेका हुन् ।

गत वर्ष चिनियाँ राष्ट्रपति सी चिनफिङको नेपाल भ्रमणका क्रममा सगरमाथाको उचाइ संयुक्त रूपमा घोषणा र प्रवर्द्धन गर्ने सहमतिअनुसार चीनले उचाइ नाप्न थालेको थियो । नेपालले भने सीको भ्रमणअघि नै उचाइ नापिसकेको थियो ।

दुई सय वर्षको इतिहासमा नेपाल आफैँले सगरमाथाको उचाइ नापेको थिएन । सन् १९५४ मा सर्भे अफ इण्डियाले नापेको उचाइ ८ हजार ८ सय ४८ मिटरलाई अहिलेसम्म आधिकारिक मानिएको थियो ।