एजेन्सी, १७ मंसिर-अन्तरिक्ष अभियानमा सफलता हात पार्दै गएको चीनले अर्को यानलाई सफलतापूर्वक अवतरण गराएको छ । चीनको रोबोटिक चाङ्ग–अ फाइभ अभियान अन्तर्गत गएराति सो यान चन्द्रमाको सतहमा अवतरण गराउन सफल भएको हो ।

चीनको यो यानको मिसन त्यहाँबाट चट्टान तथा धूलो संकलन गरी पृथ्वीमा फर्किनु हो । अभियानले मन्स रुम्केर भनिने उच्च ज्वालामुखी क्षेत्रलाई निशानामा पारेको छ ।

चन्द्रमाको सतहमा अवतरण गरेको अन्तरिक्ष यानको ल्यान्डर भनिने भागले त्यहाँ केही दिन वरपरको क्षेत्र अवलोकन गर्दै चट्टान र धूलो संकलन गरेर बिताउनेछ । ल्यान्डरमा क्यामेरा, स्पेक्ट्रोमिटर तथा रडारजस्ता यन्त्र जडित छ ।

उसले भुइँबाट ढुङ्गा वा धूलो उठाएर करिब दुई किलो सामान चन्द्रमाको कक्षमा घुमिरहेको असेन्डर भनिने यानमा पठाउनेछ । जसले त्यसलाई पृथ्वीमा फर्काउनेछ ।

यो यान फर्कन सफल भएमा सन् १९७० को दशकयताकै चन्द्रमा पुगेर फर्किएको यो पहिलो सफल चन्द्र अभियान हुनेछ ।४४ वर्ष अगाडि सोभियत लुना ट्वेन्टी फोर अभियानले करिब दुई सय ग्राम सामान पृथ्वीमा ल्याएको थियो । यसै महिनाको अन्त्यतिर सो यान भित्री मंगोलिया क्षेत्रको घाँसे मैदानमा उत्रनेछ । अमेरिकी अन्तरिक्ष निकाय नासाले समेत चीनलाई बधाइ दिएको छ ।