विराटनगर, २७ कात्तिक–पछिल्लो २४ घण्टामा प्रदेश १ मा कोरोना भाइरसको संक्रमणबाट मुक्त भएर ६ सय ६२ जना डिस्चार्ज भएका छन् । होमआईसोलेसनबाट ५ सय ७८, बीपी कोइराला स्वास्थ्य विज्ञान प्रतिष्ठानबाट २९, विराट मेडिकल कलेजबाट १३, कोभिड–१९ आईसोलेसन केन्द्र रंगेलीबाट ११, कोसी अस्पताल कोभिड–१९ उपचार केन्द्रबाट आठ, विराट सामुदायिक भवनबाट सात, मारवाडी सेवा सदन आईसोलेसन र कालि सदन आईसोलेसन विराटनगरबाट चार÷चार, पथरी नगर अस्पताल र बैजनाथपुर आईसोलेसनबाट दुई÷दुई, कोभिड १९ आईसोलेसन अस्पताल गोठगाउँ, न्युरो अस्पताल, नोवेल अस्पताल र वि.जेनरल अस्पताल हरिनगरबाट एक÷एक जना डिस्चार्ज भएका हुन । हालसम्म डिस्चार्ज हुनेको संख्या १६ हजार चार सय १८ पुगेको छ ।

प्रदेश १ मा बिहिबार एक सय ८९ जना कोरोना संक्रमित थपिएका छन् । मोरङमा ७०, झापामा ६०, सुनसरीमा ४१, ताप्लेजुङ, खोटाङ र उदयपुरमा दुई÷दुई, इलाम, तेह्रथुम र भोजपुरमा एक÷एक र प्रदेश १ बाहिरका नौ जना रहेका छन् ।

मोरङको विराटनगरमा ३७, उर्लाबारीमा ११, मिक्लाजुङमा १०, पथरीशनिश्चरे र बेलबारीमा तीन÷तीन, सुनबर्षीमा दुई, धनपालथान, सुन्दरहरैचा, रंगेली र लेटाङमा एक÷एक, झापाको दमकमा २०, विर्तामोडमा १३, गौरादहमा ११, कनकाईमा पाँच, भद्रपुरमा तीन, हल्दिबारी, कमल र झापा गाउँपालिकामा दुई÷दुई, अर्जुनधारा र मेचीनगरमा एक÷एक जनाको रिपोर्ट पोजिटिभ आएको छ ।

सुनसरीको धरानमा २६, इटहरीमा छ, बराहक्षेत्र र कोशी गाउँपालिकामा तीन÷तीन, इनरुवामा दुई र रामधुनीमा एक, ताप्लेजुङको मैवाखोला र फुङलिङमा एक÷एक, खोटाङको हलेसी तुवाचुङमा दुई, उदयपुरमा दुई, इलामको माईजोगमाईमा एक, तेह्रथुममा एक, भोजपुरमा एक र प्रदेश १ बाहिरका नौ जनाको रिपोर्ट पोजिटिभ आएको सामाजिक विकास मन्त्रालयले जनाएको छ । योसँगै प्रदेश १ मा कोरोना संक्रमितको संख्या २३ हजार ७० पुगेको छ ।

प्रदेश १ मा बिहिबार आठ सय ४७ जनाको पीसीआर परीक्षण गरिएको छ । परीक्षण गरिएका मध्ये ८० महिला र एक सय नौ पुरुषको रिपोर्ट पोजिटिभ आएको हो । हालसम्म १ लाख ७५ हजार छ सय ४९ जनाको पीसीआर परीक्षण गरिएको मन्त्रालयले जनाएको छ ।