एजेन्सी, १७ कात्तिक-अफगानिस्तानमा भएको हिंसात्मक झडपमा परी कम्तीमा १७५ विद्रोहीहरूको मृत्यु भएको छ ।  देशको कान्दहार प्रान्तमा भएको झडपमा परी मृत्यु भएकामध्ये केही तालिवान विद्रोहीका कमाण्डरसमेत रहेको जनाइएको छ ।

घटनाका बारेमा थप विवरण संकलन हुँदै गरेको पनि अफगानी राष्ट्रिय सुरक्षा निर्देशनालय श्रोतले सोमबार जानकारी दिएको छ । अन्तर्राष्ट्रिय संचारमाध्यमका अनुसार १७५ जनाको मृत्यु भएको हो भने अरू २६ जना घाइते भएका छन् । झडप झण्डै रातभरी भएको पनि बताइएको छ ।

कान्दहार प्रान्त पछिल्लो समयमा हिंसात्मक घटनाबाट धेरै प्रभावित हुँदै गएको छ । यस क्षेत्रमा सरकारी सुरक्षाकर्मी र विद्रोही तालिवान लडाकूबीचमा झडप हुने गरेको छ ।