विराटनगर, ३ कात्तिक–प्रदेश १ मा पछिल्लो २४ घण्टामा तीन सय ३२ जना कोरोना संक्रमित थपिएका छन् । मोरङगमा एक सय ४४, सुनसरीमा एक सय ३१, झापामा ४१, उदयपुरमा छ, संखुवासभामा चार, इलाममा एक र प्रदेश १ बाहिरका पाँच जना रहेको सामाजिक विकास मन्त्रालयले जनाएको छ ।

मन्त्रालयका अनुसार धरानमा १ सय जनामा संक्रमण देखिएको छ । संक्रमण देखिएका मध्ये ४९ महिला र ५१ पुरुष रहेका छन् । मोरङको विराटनगरमा ७१, बेलबारीमा ३१, कानेपोखरीमा १२, सुन्दरहरैचामा नौ, पथरीशनिश्चरेमा छ, कटहरी, बुढीगंगा र उर्लाबारीमा तीन÷तीन, रतुवामाईमा दुई, रंगेली, जहदा, ग्रामथान र लेटाङमा एक÷एक जनाको रिपोर्ट पोजेटिभ आएको छ ।

सुनसरीको इटहरीमा २१, इनरुवा, रामधुनी, झोक्राहानरसिंह र गढीमा दुई÷दुई, बर्जु र स्थानीय तह नखुलेका एक÷एक, झापाको मेचीनगरमा १०, विर्तामोडमा नौ, दमकमा छ, भद्रपुरमा चार, गौरादहमा तीन, झापा गाउँपालिकामा दुई, अर्जुनधारा, बुद्धशान्ति र कमल गाउँपालिकामा एक÷एक र स्थानीय तह नखुलेका चार जनामा संक्रमण देखिएको मन्त्रालयले जनाएको छ ।

उता उदयपुरको त्रियुगामा छ, संखुवासभाको धर्मदेवीमा तीन र मादीमा एक, इलामको रोङमा एक र प्रदेश १ बाहिरका पाँच जनाको रिपोर्ट पोजेटिभ आएको छ । यो सँगै प्रदेश १ मा कोरोना संक्रमितको संख्या १३ हजार नौ सय ८८ पुगेको छ । प्रदेश १ मा पछिल्लो २४ घण्टामा चार सय ६५ जना डिस्चार्ज भएका छन् । डिस्चार्ज भएकामा होम आईसोलेसनबाट चार सय ५५, विराट मेडिकल कलेजबाट सात र वीपी कोइराला स्वास्थ्य विज्ञान प्रतिष्ठान धरानबाट तीन जना डिस्चार्ज भएका हुन् । हालसम्म डिस्चार्ज हुनेको संख्या छ हजार ३९ पुगेको छ ।

प्रदेश १ मा सोमबार एक हजार एक सय ४४ जनाको पीसीआर परीक्षण गरिएको छ । परीक्षण गरिएको मध्ये एक सय ३२ महिला र दुई सय पुरुषको रिपोर्ट पोजेटिभ आएको छ । हालसम्म १ लाख ४७ हजार ९९४ जनाको पीसीआर परीक्षण गरिएको मन्त्रालयले जनाएको छ ।