विराटनगर, ३ कात्तिक–छिमेकी मुलुक भारतको युएइमा जारी इन्यियन प्रिमियर लिग (आईपीएल) मा सट्टाबाजी खेलाउने विराटनगरका तीन जना पक्राउ परेका छन् । आइपिएलमा अनलाइनमार्फत सट्टाबाजी खेलाएको आरोपमा मोरङ प्रहरीले तीन जनालाई पक्राउ गरेको हो ।

पक्राउ पर्नेमा विराटनगर १६ भट्टीमोडका ३्र७ वर्षीय पुरुषोत्तम साह, ३५ वर्षीय मञ्जित साह र विराटनगर १५ जानकी मन्दिर छेउका २८ वर्षीय अपजर अली रहेका छन् ।

पुरुषेत्तम साहको घरमा मोबाईल फोनमार्फत आइपिएलको सट्टाबाजी भइरहेको विशेष सूचना आएपछि पुगेको प्रहरीले उनीहरुलाई आइतबार राती ११.३० बजे पक्राउ गरेको मोरङ प्रहरीका प्रवक्ता प्रहरी नायव उपरिक्षक मानबहादुर राईले जानकारी दिए ।

प्रहरीले साहको साथबाट सट्टाबाजी खेलाउन लिएको २८ हजार ५ सय रुपैयाँ पनि बरामद गरेको मोरङ प्ररीले जनाएको छ । प्रहरीले सट्टाबाजी खेलाउन प्रयोग हुने मोवाइल, ३ थान डायरी र को १८ प ६८८९ नं. को मोटरसाइकलमसमेत बरामद गरेको छ ।

प्रहरीले उनीहरूलाई जिल्ला प्रशासन कार्यालय मोरङमा जुवा वा सट्टेबाजी खेल मुद्दा अन्तर्गत म्याद थप गरि अनुसन्धान सुरु गर्ने जनाएको छ । सेप्टेम्बर १९ देखि सुरु भएको आईपीएलको १३ औं संस्करणमा ८ टिम सहभागी छन् । अन्तिम खेल १० नोभेम्बरमा हुनेछ । आईपिएल खेल सुरु भएसँगै विराटनगरलगायत सीमावर्ती क्षेत्रमा लुकिछिपि सट्टाबाजी खेलाउन क्रम बढेको छ ।