विराटनगर, २९ असोज–प्रदेश १ मा पछिल्लो २४ घण्टामा ९ जनाको कोरोना संक्रमणबाट मृत्यु भएको छ । सुनसरीमा पाँच, मोरङ र तेह्रथुममा दुई÷दुई जनाको कोरोना संक्रमणबाट मृत्यु भएको सामाजिक विकास मन्त्रालयले जनाएको छ । हालसम्म संक्रमणबाट १२२ जनाको मृत्यु भएको छ ।

प्रदेश १ मा पछिल्लो २४ घण्टामा ६५४ जना कोरोना संक्रमित थपिएका छन् । दैनिक संक्रमण संख्यामा यो अहिले सम्मकै उच्च हो । मोरङमा तीन सय २६, सुनसरीमा दुई सय ९, झापामा ७४, संखुवासभामा नौ, उदयपुरमा चार, भोजपुर, तेह्रथुम, इलाम र ताप्लेजुङमा दुई÷दुई र प्रदेश १ बाहिरका २४ जनामा संक्रमण देखिएको छ ।

मन्त्रालयका अनुसार विराटनगरमा दुई सय ५५ जनामा संक्रमण देखिएको । मोङगको सुन्दरहरैचामा २५, पथरीशनिश्चरेमा १५, कानेपोखरी र बुढीगंगामा १३÷१३, बेलबारीमा १०, रतुवामाईमा सात, कटहरीमा छ, ग्रामथानमा चार, धनपालथान र रंगेलीमा दुई÷दुई, केराबारी र उर्लाबारीमा एक÷एक र स्थानीय तह नखुलेका दुई जनाको रिपोर्ट पोजेटिभ आएको छ ।

उता सुनसरीको धरानमा एक सय ३२, इटहरीमा ४८, बराहक्षेत्रमा आठ, दुहवी र इनरुवामा चार÷चार, बर्जु, रामधुनी र गढीमा तीन÷तीन, हरिनगरमा दुई, कोशी गाउँपालिका र स्थानीय तह नखुलेका एक÷एक जनाको रिपोर्ट पोजिटिभ आएको छ । झापाको विर्तामोडमा ३१, भद्रपुरमा ११, दमक र अर्जुनधारामा नौ÷नौ, बुद्धशान्तिमा चार, कनकाईमा तीन३, मेचीनगरमा दुई, गौरादह, गौरीगञ्ज, कमल, झापा गाउँपालिका र स्थानीय तह नखुलेका एक÷एक जनाको रिपोर्ट पोजिटिभ आएको सामाजिक विकास मन्त्रालयले जनाएको छ ।

संखुवासभाको खाँदबारीमा नौ, उदयपुरको चौदण्डीगढीमा चार, भोजपुरमा दुई, तेह्रथुमको लालीगुराँस र स्थानीय तह नखुलेका एक÷एक, इलामको देउमाई र स्थानीय तह नखुलेका एक÷एक, ताप्लेजुङको श्रीजंगा र फुङलिङमा एक÷एक र प्रदेश १ बाहिरका २४ जनाको रिपोर्ट पोजेटिभ आएको छ । प्रदेश १ मा हालसम्म कोरोना संक्रमितको संख्या १२ हजार दुई सय ६९ पुगेको छ ।

प्रदेश १ मा बिहिबार तीन सय २६ जना डिस्चार्ज भएका छन् । होमआईसोलेसनबाट तीन सय चार, कोशी अस्पताल कोभिड १९ उपचार केन्द्रबाट १२, कोभिड १९ अस्पताल गोठगाउँबाट नौ र मेची अस्पतालबाट एक जना डिस्चार्ज भएका हुन । हालसम्म डिस्चार्ज हुनेको संख्या पाँच हजार तीन सय ३९ पुगेको छ ।

प्रदेश १ मा बिहिबार एक हजार ६४६ जनाको पीसीआर परीक्षण गरिएको छ । परीक्षण गरिएका मध्ये दुई सय ४१ म्हिला र चार सय १३ पुरुषको रिपोर्ट पोजेटिभ आएको छ । हालसम्म १ लाख ४२ हजार ५२३ जनाको पीसीआर परीक्षण गरिएको मन्त्रालयले जनाएको छ ।