विराटनगर, २७ असोज–प्रदेश १ मा पछिल्लो २४ घण्टामा चार सय १९ जना कोरोना संक्रमित थपिएका छन् । सुनसरीमा तीन सय ४४, मोरङमा ५६, झापामा सात, उदयपुरमा छ, संखुवासभामा तीन, भोजपुर, पाँचथर र प्रदेश १ बाहिरका एक÷एक जना रहेको सामाजिक विकास मन्त्रालयले जनाएको छ ।

मन्त्रालयका अनुसार सुनसरीको धरानमा दुई सय ११ जनामा संक्रमण देखिएको छ । संक्रमण देखिएकामा ८१ महिला र एक सय ३० पुरुष छन् । सुनसरीकै इटहरीमा ११९ र इनरुवामा १४ जनाको रिपोर्ट पोजेटिभ आएको छ ।

मोरङको विराटनगरमा ३१, रतुवामाईमा १२, बुढीगंगामा सात, कटहरीमा दुई, सुन्दरहरैचा, मिक्लाजुङ, धनपालथान र लेटाङमा एक÷एक, झापाको दमकमा पाँच ५, विर्तामोड र गौरादहमा एक÷एक, उदयपुरको बेलकामा तीन, रौतामाईमा दुई र स्थानीय तह नखुलेका एक, संखुवासभाको खाँदबारीमा एक, स्थानीय तह नखुलेका दुई जनामा संक्रमण देखिएको मन्त्रालयले जनाएको छ ।

उता भोजपुरको पडानन्द, पाँचथरको कुम्बायक र प्रदेश १ बाहिरका एक÷एक जनाको रिपोर्ट पोजेटिभ आएको छ । योसँगै प्रदेश १ मा कोरोना संक्रमितको संख्या ११ हजार एक सय ७० पुगेको छ ।

प्रदेश १ मा मंगलबार १९ जना डिस्चार्ज भएका छन् । मेची अस्पतालबाट आठ, वीपी कोइराला स्वास्थ्य विज्ञान प्रतिष्ठान र विराट मेडिकल कलेजबाट चार÷चार, धाईजन आईसोलेसन केन्द्रबाट दुई र होमआईसोलेसनबाट एक जना डिस्चार्ज भएका छन् ।

हालसम्म ४ हजार ८७३ जना डिस्चार्ज भएका छन । प्रदेश १ मा मंगलबार एक हजार दुई सय ३६ जनाको पीसीआर परीक्षण गरिएको छ । परीक्षण गरिएका मध्ये एक सय ५५ महिला र दुई सय ६४ पुरुषको रिपोर्ट पोजेटिभ आएको छ । हालसम्म १ लाख ३९ हजार ९२८ जनाको पीसीआर परीक्षण गरिएको सामाजिक विकास मन्त्रालयले जनाएको छ ।